Memlekettik til – meniń tilim

Seısenbi, 5 maýsym 2012 6:50

Keshe Mádenıet jáne aqparat mınıstrligi Til komıtetiniń uıymdastyrýymen «Til – tatýlyq tiregi» degen taqyrypta dóńgelek ústel ótkizildi.

Dóńgelek ústeldi komıtet tóraǵasy Maqsat Sqaqov júr­giz­di. Oǵan elimizdiń barlyq óńir­le­rinen kelgen memlekettik tildi biletin jıyrmaǵa tarta ózge ult ókilderi qatysty.

Seısenbi, 5 maýsym 2012 6:50

Keshe Mádenıet jáne aqparat mınıstrligi Til komıtetiniń uıymdastyrýymen «Til – tatýlyq tiregi» degen taqyrypta dóńgelek ústel ótkizildi.

Dóńgelek ústeldi komıtet tóraǵasy Maqsat Sqaqov júr­giz­di. Oǵan elimizdiń barlyq óńir­le­rinen kelgen memlekettik tildi biletin jıyrmaǵa tarta ózge ult ókilderi qatysty.

Dóńgelek ústel barysynda oǵan qatysýshylardyń deni mu­ǵa­limder, BAQ ókilderi, máde­nıet salasynyń qyzmetkerleri eke­nin baıqadyq. Mysaly, «As­ta­na» telearnasynda qyzmet is­teı­tin Maksım Rojın, «Mereı» halyq­tyq ansambliniń ánshisi Ser­geı Semygın, Qyzylorda qa­lasyn­daǵy «Qoǵam TV» telear­nasynyń jýrnalısi Elena Rybına kópke tanylyp qalǵan jan­­dar desek qatelespeımiz. Son­daı-aq, dóńge­lek ústelde Qa­ra­ǵan­dy oblysynan kelgen qa­zaq tili pá­ni­niń muǵalimi Tatıana Ahmetova, О́ske­men qalasyn­da­ǵy Memle­ket­tik tildi úıretý or­talyǵynyń oqytý­shysy Nadejda Shýshanıkova, Tótenshe jaǵ­daı­lar mı­nıstr­ligi baspasóz qyz­metiniń ókili Lıýbov Shapochnıkova syndy jastar da mem­lekettik tildi damytýǵa qa­tys­ty óz oılaryn ortaǵa saldy.

M.Rojın qazaq tiliniń taǵdy­ryna alańdaıtyn jandar úshin kóńil qýantatyn sharýalar atqa­rylyp jatqanymen, onyń nátı­jesi áli de tómen ekenin aıtty. «Qazirgi kezde tildi nasıhattaý jumystary kúsheıtildi. Nátı­je­sinde «Qazaqstan» telearnasy tek qazaq tilinde habar taratatyn boldy. Qazaq tilindegi oqý­lyq­tar­dyń sany kóbeıdi. Qazaq tili­ne aýdarylyp jatqan fılmder kóbeıdi. Biraq bul áli de jetki­liksiz» degen ol qazaq tili­niń ımıd­jin kóterý týraly óz usy­nysyn jetkizdi. Onyń oıynsha, qazaq tiline eń birinshi kezekte jaǵymdy jarnama jasalý kerek. Ekinshiden, tildi nasıhattaıtyn eriktiler toby paıda bolyp, olar orys tildi ortalarda memlekettik tilimizdi nasıhattaýmen aınalysatyn bolýy shart. «Eriktiler bas­qa bir jaqtan kel­meı­di, árıne, til janashyrlary osy qatardan tabylsa», – deıdi M.Rojın.

О́skemendegi memlekettik til­di úıretetin ortalyqta oqytý­shy­lyq qyzmet atqaratyn Nadejda Shýshanıkova negizinen óz orta­lyqtarynyń jumysy jaıynda baıandady. Halqynyń 40 paıyzy ózge ult ókilderin qu­raı­tyn О́s­kemen qalasyndaǵy bul mekemege osy kúnge deıin til úı­rený úshin 18 myńǵa jýyq adam tirkelgen. Ortalyqtyń «Qa­zaq tilin úıre­neıik» atty saıtyna 68 myńnan asa adam tirkelipti. Son­daı-aq or­talyq ja­nynan ózge ult ókil­derinen quralǵan pikir­saıys klýby ashylypty. Bunyń da maqsaty bireý – qazaq tilin úıretý. Nadejda qazaq tilin bilmeıtin qa­zaq­tar­dyń ózi­nen sabaq alatynyn qyn­jyla otyryp áńgimeledi. «Biz ne­gi­zi­nen eresekterge til úıretemiz. Olar oı-pikirleri qalyptasqan jandar. Sondyqtan olarǵa til úı­re­­tý qıynyraq. Tek dúrmekke ile­sip, saıasat úshin til úırenem deý áýreshilik. Bastysy, tilge de­­gen súıispenshilik kerek», – deıdi ol.

Aıgúl SEIILOVA,

«Egemen Qazaqstan».