Qyzylordada turmysy tómen otbasylar úshin satyp alý quqyǵynsyz jalǵa beriletin 18 turǵyn úı memlekettik «Nurly jer» baǵdarlamasy boıynsha salynyp jatyr.
Osy maqsatqa úkimetten úsh jarym mlrd. teńge bólingen. Búginde úı-kúıi joqtarǵa tegin baspana berýdiń zamany ótken. Bıýdjet qaltasy kótermeıdi. Alaıda, úkimet pen oblys ákimdigi arba da synbaıtyn, ógiz de ólmeıtin tyǵyryqtan osylaısha shyǵyp jatyr. Keshege deıin apatty úılerdegi jeti júzge jýyq otbasylardyń problemasy sheshilgen.
Endi kóp balaly jáne turmys tómen otbasylar úshin úlken jeńildikter jasalýda.
Onyń syrtynda 7-20-25 baǵdarlamasy men óńirlik «Orda» jol kartasy úıli bolýdyń jaqsy alǵysharty. Sóz yńǵaıynda aıtar bolsaq, Qyzylorda oblysyndaǵy úıler Qazaqstan boıynsha eń arzan turǵyn úıler sanatynda. Munda úıdiń ár sharshy metri 120 myń teńgeniń aınalasynda ǵana.
Baqtııar TAIJAN,
«Egemen Qazaqstan»
Qyzylorda oblysy