Bul jóninde Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Batys Qazaqstan oblysy boıynsha departament basshysy, Ádep jónindegi keńes tóraǵasy B.Isaqov málimdedi.
- Sybaılas jemqorlyqqa qarsy monıtorıng qorytyndysyna sáıkes, sybaılas jemqorlyq qylmys jasaǵany úshin Batys Qazaqstan oblysy boıynsha 2018 jyly 41 tulǵa sottalǵan. Sottalǵandardyń 35-i – laýazymdy tulǵa bolsa, 6 adam jeke tulǵa retinde isti boldy. Sottalǵan 35 laýazymdy tulǵanyń 21-i – ortalyq memlekettik organdardyń aýmaqtyq bólimshelerinde qyzmet etse, 9-y – jergilikti atqarýshy organda, al 5-i – kvazımemlekettik sektorda jumys istegen, - deıdi Bolat Álmuqanuly.
Joǵaryda jaýapkershilikke tartylǵan tulǵalardyń 13-i – polısııa organdarynda, 2-i – Ulttyq bankte, 2-i – memlekettik kirister organdarynda, 1 adam – ishki memlekettik aýdıt mekemesinde jáne 1 adam ádilet departamentinde qyzmet etken eken.
Al jergilikti atqarýshy organdardyń sotty bolǵan 9 qyzmetkeriniń ishinde Aqsaı qalasy ákiminiń mindetin atqarýshy, oblystyq basqarma basshysy, turǵyn úı sharýashylyǵy, jolaýshylar kóligi jáne avtomobıl joldary bólimi basshysy men orynbasary, oblystyq basqarmanyń bólim basshysy bolypty.
B.Isaqovtyń aıtýynsha, ákimshilik sybaılas jemqorlyq quqyqbuzýshylyqtaryn jasaǵany úshin 2018 jyly 5 adam jaýapkershilikke tartylǵan. Al memlekettik qyzmetke kir keltiretin teris qylyq jasaǵany úshin 88 tulǵaǵa da tártiptik jaýapkershilik sharasy qoldanylǵan.
Qazbek QUTTYMURATULY,
«Egemen Qazaqstan»
Batys Qazaqstan