«Eır Astananyń» Delı baǵyty boıynsha ushýǵa josparlanǵan barlyq reıster 2019 jylǵy 1 naýryzyna deıin Pákistan áýe keńistiginiń jabylýyna baılanysty oryndalmaıdy. Bul týraly «Eır Astana» áýe kompanııasynyń baspasóz qyzmeti habarlady.
«Eır Astana» koll-sentri jolaýshylardy tasymaldaýdyń barlyq joldaryn shuǵyl túrde qarastyrýda. Sonyń ishinde, fors-major jaǵdaılaryn retteıtin IATA erejelerine sáıkes basqa áýe tasymaldaýshylardyń kómegimen tasymaldaý da qarastyrylýda.
27 aqpandaǵy KS908 Delı-Almaty reısi qazirgi kezde Pákistannyń áýe keńistiginen tys Oman koroldiginiń astanasy Maskat áýejaıy baǵytynda ushty, ol jerden otyndy ústep quıyp, ary qaraı Almatyǵa ushyp barady. Almatyǵa jergilikti ýaqyt boıynsha 17:22-de qonady dep kútilýde.