Analardyń senimin nyǵaıtty

Bes balanyń anasy Aınur, ásirese uly Shahmurattyń er­teńine alańdaýly. Onyń ózge ul-qyzdaryndaı emes, múm­kin­­digi shekteýli ekenine kóńili jabyr­qaǵanymen, qata­rynan qal­dyrmas úshin bar jaǵdaıyn ja­saýda. Ul-qyzdarynyń al­dy 9-synypta oqysa, kenjesi 2 jas­­tan endi asqan Aınur Jol­dy­baeva – «Nur Otan» par­tııasy sezinde aıtylǵan Elbasy bas­tamalaryna erekshe qýanyp, erteńge degen senimi nyǵaıa tús­ken analardyń biri.

– «Ár balanyń óz nesibesi bar». Degenmen, memleket tara­py­nan jasalyp jatqan kómek­terdiń orny bólek. О́zim balalarmen otyrmyn. Al kúıeýim uzaq ýaqyt jumyssyz júrdi. Jýyrda kóp balaly otbasylardy qoldaý aıasynda berilgen 563 myń teńge kólemindegi ataýly áleý­mettik kómek kúıeýimniń je­ke kásibin ashýǵa yqpal etip otyr. О́tken jyly kóp balaly ot­basy retinde úsh bólmeli páter­ge qol jetkizdik. Balalarǵa beriletin aı saıynǵy járdemaqy az, jasyratyny joq jetkizý qıyn. Kóńildi jabyrqatatyny da sol – jetpeıtini. Múgedek balamdy qatarǵa qosýdan úmitimdi úzgen emespin. Barlyq múmkindikti jasaýǵa tyrysýdamyz. Oǵan árıne, kóp qar­jy ketedi. Endi erteńgi bala­larǵa beriletin kómektiń kóbe­ıe túsetini qýantyp otyr. Mem­leket basshysyna osyndaı qol­daýy úshin aıtar alǵysymyz sheksiz. Elbasy ásirese kóp bala­ly otbasylardy qoldaý shara­laryn kúsheıtý qajettigin aıtty. Úkimetke ataýly kómek kórsetý ólshemderin arttyrý­dy, sondaı-aq múgedek bala tár­bıelep otyrǵan ata-analarǵa, qam­qorshylar men otbasylar­ǵa jár­­demaqyny 30 paıyzǵa kóterý­­di tapsyrdy. Bul bizge úl­k­en demeý. Úıdegi balalar da keshe estip, otbasymyzben qýa­nyp jatyrmyz, – deıdi Aınur. 

Múgedek bala tárbıelep otyrǵan ana kóbeıetin járdem­aqy uldyń densaýlyǵyn jaq­sar­týǵa septigin tıgizetinin aı­typ otyr. Búginde oǵan qajet­ti zattar alyp, qosymsha emdeý joldaryn qarastyrýǵa qa­ra­jat jetpeıdi. Memleket ta­ra­pynan jeńildik jasalatyn emdik kómektermen shekte­lýge májbúr. Qosymsha em qa­byl­dasa, qataryna erterek qosyla ma degen úmiti endi senim­ge aınala bastaǵandaı. Jal­py, bul másele Memleket bas­shy­synyń nazarynan tys qal­ǵan emes. Mysaly, Elbasy «Qazaq­stan joly – 2050: Bir maq­sat, bir múdde, bir bolashaq» atty Joldaýynda múmkindigi shek­teýli azamattarǵa kóbirek kóńil bólý kerektigin, olar úshin Qazaq­stan kedergisiz aımaqqa aına­lýy tıistigin aıtqan bolatyn. Búginde múgedekterdiń ómiri men densaýlyǵyn jaqsartýdy maq­sat tutatyn memlekettik baǵ­dar­lamalar jumys isteýde. Onyń ishinde «Nur Otan» par­tııa­sy «Kedergisiz keleshek» baǵ­darlamasy aıasynda múgedek­terge kómektesip keledi. Kúni ke­she­gi sezde aıtylǵan, osyndaı ıgi isterdi jandandyra, je­til­dire túsetin Elbasynyń Úki­metke bergen tapsyrmalary bú­gin­de halyq tarapynan qoldaý tabý­da. Aınur Joldybaeva ǵana emes, Túrkistan oblysy, Tólebı aýda­nyn­daǵy az qamtamasyz etil­gen myńǵa jýyq, onyń ishin­de 502 kóp balaly otbasy árbir ba­­la­ǵa tólenetin eń tómengi tó­lem 20 789 teńge kóleminde bel­­gi­lenetinine qýanyp, rıza­shy­lyqtaryn bildirýde. 

Ǵalymjan ELShIBAI,

«Egemen Qazaqstan»

Túrkistan oblysy