Qazaqstan Respýblıkasynyń Prezıdenti N. Nazarbaevpen kelisilgen túrde, Úkimet qaýlysymen Darhan Amanuly Káletaev Premer-Mınıstr Keńsesiniń basshysy qyzmetine taǵaıyndaldy. Bul týraly primeminister.kz habarlady.
D. Káletaev 1972 jyly Shyǵys Qazaqstan oblysynda dúnıege kelgen. Shyǵys Qazaqstan memlekettik ýnıversıtetin, Memlekettik basqarý ulttyq joǵary mektebin támamdaǵan.
Eńbek jolyn 1995 jyly bastaǵan. Prezıdent Ákimshiliginiń, bilim jáne mádenıet, aqparat jáne qoǵamdyq kelisim mınıstrlikteriniń qurylymynda jumys istegen. 2007–2008 jyldary — Prezıdent Ákimshiligi basshysynyń orynbasary, 2008–2009 jyldary — «Nur Otan» HDP Tóraǵasynyń birinshi orynbasary, 2009–2016 jyldary — «Samuryq-Qazyna» ulttyq ál-aýqat qory» AQ basqarýshy dırektory qyzmetterin atqarǵan.
2016 jyldyń qazan aıynda Prezıdent Jarlyǵymen Parlament Senatynyń depýtaty bolyp taǵaıyndaldy. 2017 jyldyń qyrkúıeginen bastap — Parlament Senatynyń Halyqaralyq qatynastar, qorǵanys jáne qaýipsizdik komıtetiniń múshesi.
2018 jylǵy sáýirden bastap Qoǵamdyq damý mınıstri qyzmetin atqarǵan.