«Qazaqstan temir joly» UK» AQ jáne onyń enshiles kásiporyndarynyń 200 tarta qyzmetkeri sporttyq fleshmobqa qatysty.
Kompanııada salaýatty ómir saltyn qurý, qyzmetkerler densaýlyǵy men eńbekti qorǵaýǵa úlken kóńil bólinýde. Jaman ádetten arylyp, sportty ustaný – ómir sapasynyń mańyzdy bóligi.
QTJ ǵımaratynda uıymdastyrylǵan fleshmob qatysýshylaryn personaldy basqarý jónindegi dırektor, HR basqarýshy dırektory Tamıla Mıkýlıch, Ardager-temirjolshylar keńesiniń tóraǵasy Bolatbek Dúısemálıev, «Qazproftrans» QB tóraǵasy Orazǵalı Ahmetbaev, sondaı-aq QR Prezıdenti janyndaǵy Jastar saıasaty jónindegi keńes múshesi, QR shahmat federasııasynyń vıse-prezıdenti Dármen Sádýaqasov quttyqtady. Temirjolshylar mýzykanyń yrǵaǵymen jaqsy kóńil kúı men qýat syılaǵan óndiristik gımnastıkanyń paıdaly keshendi jattyǵýlaryn jasady.
Uıymdastyrýshylardyń paıymdaýynsha, jumys ýaqytynda dene shynyqtyrý mınýtyn ótkizip turý dástúri qyzmetkerlerdiń ózderin sergek sezinýge jáne jumys qabiletin arttyrýlaryna kómektesedi.
Sondaı-aq osy kúni «Nıkotın – na vıtamın» aksııasy bolyp ótti.
Uıymdastyrýshylar men belsendi jastar áriptesterin ózderiniń jáne jaqyndarynyń densaýlyqtary úshin jaman ádetten arylýǵa shaqyryp, temeki tartatyn qyzmetkerlerdi shylymyn almaǵa aıyrbastaýdy usyndy.
Sporttyq fleshmob, «Nıkotın – na vıtamın» aksııasy elimiz óńirleriniń barlyq temirjoly kásiporyndarynda ótedi. Bul dene shynyqtyrý qundylyqtaryn, salaýatty ómir saltyn ustanýdyń jaqsy nasıhaty.