Juma, 20 qańtar 2012 7:28
Aıvar ENDZINSh, Eýropa Keńesi Venesııa komıssııasynyń múshesi:– Saılaý kúngi uıymdastyrý barlyq ýchaskelerde shyn máninde óte joǵary deńgeıde boldy. Saılaý komıssııalarynyń músheleri barlyq erejelerdi saqtady. Eń bastysy – saılaýshylardyń – ishinde jastary, kárileri bar – úlken belsendiligi qýantty.
Juma, 20 qańtar 2012 7:28
Aıvar ENDZINSh, Eýropa Keńesi Venesııa komıssııasynyń múshesi:– Saılaý kúngi uıymdastyrý barlyq ýchaskelerde shyn máninde óte joǵary deńgeıde boldy. Saılaý komıssııalarynyń músheleri barlyq erejelerdi saqtady. Eń bastysy – saılaýshylardyń – ishinde jastary, kárileri bar – úlken belsendiligi qýantty.
Arıel KOEN, «Mıras qorynyń» aǵa ǵylymı qyzmetkeri (AQSh):– Biz keıbir kandıdattarmen kezdestik. Meniń eshkimdi de renjitkim kelmeıdi, biraq ózge partııalardyń nege jeńilis tapqanyn aıtýǵa tıispin. AQSh-taǵy, Fransııadaǵy jáne Germanııadaǵy kóptegen saıasatkerlermen tanys adam retinde sóz saptaıtyn bolsam, keıbir partııalardan saılaýshylardyń senimin aýlaıtyndaı deńgeıdi kórgen joqpyn. Olardyń ustanymdary, tuǵyrnamalary ókilderi Parlamentte otyratyndaı deńgeıge kóterilmegeni anyq.
Ramıl HASAN, TúrkPA Bas hatshysy:– Saılaý joǵary deńgeıde, Qazaqstan zańnamalaryna sáıkes ótti. Bizdiń baǵytymyz – bul demokratııany, adam quqyn nyǵaıtý men damytý. Jáne biz búkilálemdik qoǵamdastyqqa Qazaqstannyń demokratııalyq saılaý ótkize alatynyn jarııa etetin bolamyz.
Vendelın ETMAIER, halyqaralyq baıqaýshy (Avstrııa):– Saılaý halyqaralyq tájirıbege jáne halyqaralyq standarttarǵa tolyq sáıkes ótti dep aıtýǵa tıispin. О́ıtkeni, men qalanyń ár shalǵaıyndaǵy birneshe saılaý ýchaskesinde boldym. Biz daýys berý úderisin barlyq qyrynan óte muqııat qadaǵaladyq. Saılaýǵa adamdardyń túrli kategorııalary kelip qatysty. Osyǵan oraı biz zertteý tipti, múmkin, tórelik júrgizdik. О́zimizdiń mindetimizge úlken jaýapkershilikpen keldik jáne obektıvti kózqaras tanytýǵa umtyldyq. Nátıjesi jaman emes. Negizinen, daýys berýdiń tehnıkalyq ólshemderi men tehnıkalyq aspektileri turǵysynan alǵanda, saılaý halyqaralyq standarttarǵa tolyq kóleminde sáıkestigimen erekshelendi.
Aleksandr PIKER, halyqaralyq baıqaýshy (Avstrııa):– Saılaýdyń uıymdastyrylýy óte tamasha deńgeıde. Oǵan daıyndyqtyń jaqsy júrgizilgeni de kózge uryp tur. Biz barlyq nusqaýlyqtardy kórdik, adamdar ne isteıtinin aıtpaı-aq bilip, daýys berip jatty. Men úshin kóptegen baıqaýshylar da, halyqaralyq baıqaýshylar ǵana emes, jergiliktileri de, arasynda jastary da kóp, bárinde de jaqsy daıyndyq bary baıqaldy. Túıip aıtqanda, saılaýǵa daıyndyq ta, ótý barysy da kóńilden shyqty.