Seısenbi, 10 sáýir 2012 7:30
Soltústik Koreıa ókimeti sheteldik jýrnalıster úshin qupııa ortalyq pen polıgonǵa ekskýrsııa uıymdastyrdy.
Taıaý ýaqyttary osy jerden «Kvanmenson-3» zymyrany bar «Ynha-3» zymyran tasyǵyshy ushyrylatyn bolady. Kórshilerdiń pikirinshe, zymyran ushyrý KHDR-da úshinshi ıadrolyq synaq jasaýdyń alǵysharty bolyp tabylady. Eldiń batysynda ornalasqan polıgonǵa AQSh-tyń, Ulybrıtanııanyń, Fransııanyń, Germanııanyń, Shvesııanyń, Shveısarııanyń, OAR-dyń, Vetnamnyń jáne Japonııanyń jýrnalısteri jiberilgen.
Seısenbi, 10 sáýir 2012 7:30
Soltústik Koreıa ókimeti sheteldik jýrnalıster úshin qupııa ortalyq pen polıgonǵa ekskýrsııa uıymdastyrdy.
Taıaý ýaqyttary osy jerden «Kvanmenson-3» zymyrany bar «Ynha-3» zymyran tasyǵyshy ushyrylatyn bolady. Kórshilerdiń pikirinshe, zymyran ushyrý KHDR-da úshinshi ıadrolyq synaq jasaýdyń alǵysharty bolyp tabylady. Eldiń batysynda ornalasqan polıgonǵa AQSh-tyń, Ulybrıtanııanyń, Fransııanyń, Germanııanyń, Shvesııanyń, Shveısarııanyń, OAR-dyń, Vetnamnyń jáne Japonııanyń jýrnalısteri jiberilgen.
BARLAÝShYNYŃ SAILAÝǴA TÚSÝINE QARSY
Hosnı Múbaraktyń burynǵy barlaý bastyǵynyń saılaýǵa qatysýǵa ótinish berýi Egıpet revolıýsııasyn qorlaý bolyp tabylady.
Osylaı dep málimdegen «Musylman baýyrlar» atynan kandıdat Haırat ál-Shater, eger ol jeńiske jetken jaǵdaıda ekinshi ret jalpyhalyqtyq kóterilis týatynyn atap kórsetken. Reıter agenttigine bergen suhbatynda 61 jastaǵy mıllıoner-kásipker burynǵy barlaý bastyǵy Omar Sýleımannyń prezıdent saılaýyna túsý jónindegi sheshimin aıyptaǵan. Ol úlken qatelik jiberip otyr, munyń sońy jaqsylyqqa soqpaıdy dep málimdegen Haırat ál-Shater.
SYNDARLY RÝHTA О́TKEN KEZDESÝ
Pákstan memleketiniń basshysy jeti jyl ishinde alǵash ret Úndistanǵa jeke saparmen bardy.
Pákstan prezıdenti Asıf Alı Zardarı men Úndistan premer-mınıstri Manmohan Sıngh Delı qalasynda ótken kezdesý qorytyndylaryna qanaǵattanýshylyq bildirgen. Eki memleket basshysy da kezdesýdiń dostyq jáne syndarly rýhta ótkenin málimdegen. Kelissózderdiń naqty nátıjeleri belgili bolmasa da, taraptar ekijaqty qarym-qatynastarda oryn alǵan problemalardy birtindep sheshý jóninde ýaǵdalasqan kórinedi.
MALIDE QAÝIP SEIILMEI TUR
Beıbitshilik korpýsynyń volonterleri Malıden shyǵarylyp, jaýapty laýazymdar atqarmaıtyn amerıkalyq dıplomatııalyq qyzmetshilerge elden ketý jóninde usynys jasalǵan.
Sol sııaqty amerıkalyqtardy memlekettik tóńkeris bolǵan elge barýdan saqtandyryp otyr. Qazirgi kezde el astanasy Bamakodaǵy bas áýejaı ashyq, degenmen memlekettik departament eldegi jalpy ahýalǵa baılanysty ushaqtardyń ushý bolashaǵynyń eleýli másele týyndatatynyn atap kórsetken.
NIGERIIаDAǴY JARYLYS
Nıgerııanyń soltústigindegi Kadýn qalasynda eki avtomobıldiń jarylýynan kem degende 38 adam qurban bolyp, ondaǵan adam zardap shekken.
Jarylys qalanyń halyq eń kóp júretin kósheleriniń birinde, polıseıler shirkeýge bara jatqan avtomobıldi teksermek bolǵan kezde oryn alǵan. Jarylystan shirkeý eleýli zardap shegip, taıaýdaǵy úılerdiń tóbeleri qulap túsken. Osy oraıda jarylystyń katolıkterdiń Pasha meıramy qarsańynda oryn alǵanyn aıta ketý qajet. Ázirge terrorlyq toptardyń birde-biri bolǵan oqıǵa úshin jaýapkershilikti óz moıyndaryna almaı otyr.
BAIQAÝShYLAR BAǴALAÝY
Ońtústik Osetııadaǵy prezıdent saılaýy barysyn qadaǵalaǵan halyqaralyq baıqaýshylar daýys berýdiń eki týryn da demokratııaǵa jáne halyqaralyq standarttarǵa sáıkes keledi dep moıyndaǵan.
Reseı Memlekettik Dýmasy baıqaýshylary delegasııasynyń jetekshisi Vladımır Ponevejskıı saılaý ýchaskelerinde bolǵan kezinde joǵary uıymdastyrýshylyqty, ýchaskelik komıssııalar jumysyndaǵy ashyqtyq pen móldirlikti baıqaǵanyn atap kórsetken. Onyń aıtýynsha, saılaý qorytyndylaryna áser etetindeı eleýli eskertýler oryn almaǵan. Sonymen birge ol respýblıkada kúrdeli saılaý úderisiniń aıaqtalǵanyn da atap kórsetken.
«TITANIKTIŃ» IZIMEN
Saýtgempton portynan «Tıtanıktiń» marshrýty boıynsha «Balmoral» krýızdik korabli saparǵa shyqty.
Kemeniń bortyna 1309 adam kóterilgen kórinedi. Osydan júz jyl buryn apatqa ushyraǵan «Tıtanık» laınerinde de dál osynsha adam bolǵan eken. «Balmoral» kemesine otyrǵandardyń arasynda qaıǵyly oqıǵaǵa kýá bolǵan adamdardyń týǵan-týystary bar. Bul sapar júıkeleri juqalarǵa arnalmaǵan, onyń ústine apatqa ushyraǵan kemedegi jaǵdaılar sol kúıinde qaıtalanatyndyqtan yrymshyldarǵa da jeńil tımeıtin sııaqty. Tipti ydys-aıaqqa deıin sol zamandaǵy úlgige sáıkestendirilgen. 15 sáýirde keme «Tıtanık» apatqa ushyraǵan jerge jetpek.
EÝROODAQTYŃ EŃ QYLMYSTY ASTANASY
Vılnıýs Eýropa odaǵy elderiniń astanalary ishindegi eń qylmysty astana dep tanylyp otyr.
Lıtva astanasynda júz myń adamǵa 7,9 kisi ólimi keledi eken. «Evrostat» statıstıkalyq agenttigi Eýropa odaǵy elderi astanalaryndaǵy kisi óltirýler men qastandyqtar sanyna esep júrgizgen. Onda 100 myń adamǵa jasalǵan qylmystar baǵalanǵan. Nátıjesinde Lıtva astanasy Vılnıýs birinshi oryn alǵan kórinedi. Ekinshi orynda Tallın, úshinshi orynda Lıýksembýrg Gersogtiginiń osy attas astanasy tur. Odan keıingi oryndardy Amsterdam men Brıýssel alady eken.
Internet materıaldary negizinde ázirlendi.