Sharaına

Sársenbi, 13 maýsym 2012 7:29

DAMASKINIŃ ORTALYǴYNDAǴY URYS

Úkimet áskerleri men búlikshilerden jasaqtalǵan qarýly topSırııanyń astanasy – Damask qalasynyń ortalyǵynda alǵash retbirneshe saǵatqa sozylǵan urys qımyldaryn júrgizdi. Qarsylasýshytaraptar negizinen atý qarýlary men granatometterdi qoldanǵan.

Sársenbi, 13 maýsym 2012 7:29

DAMASKINIŃ ORTALYǴYNDAǴY URYS

Úkimet áskerleri men búlikshilerden jasaqtalǵan qarýly topSırııanyń astanasy – Damask qalasynyń ortalyǵynda alǵash retbirneshe saǵatqa sozylǵan urys qımyldaryn júrgizdi. Qarsylasýshytaraptar negizinen atý qarýlary men granatometterdi qoldanǵan.

12 saǵatqa sozylǵan qarýly qaqtyǵys belgili bir jaqtyń aıqyn basymdyǵynsyz aıaqtalǵan. Jalpy, buryndary urys qımyldary tek el astanasynyń shetkeri aımaqtarynda ǵana júrgizilip kelgen edi. Tutastaı alǵanda, sońǵy aptalarda Sırııadaǵy ahýal aıtarlyqtaı ýshyǵa tústi.  Qaza tapqandar sany kóbeımese, azaıar emes.

DJAAR QALASYN BOSATYP ALDY

Iemen armııasy  ıslamısterden eldiń ońtústigindegi Djaar  qalasynbosatyp al­­­ǵan. Urys saldarynan kem degende 24 adam qaza tapqan.Olardyń 20-sy sodyrlar bolsa, qalǵan 4-ýi ıemendik áske­rılerkórinedi.

Sóıtip, ıslamıster Shýkra qalasyna qaraı oıysqan. Keıbir derekterge qara­ǵanda, Shýkrada kóptegen ıslamıster boı tasalap otyrǵan sekildi. Qazirgi kezde Iemen basshylyǵy eldiń ońtústigindegi Abıan provınsııasyn óz baqylaýyna qaıtarý úshin operasııalardy bas­taǵan. Búginde Iemende bılik úshin talas osylaısha qarý qoldaný arqyly jalǵasyp jatyr.

MÁSKEÝDE «MILLIONDAR MARShY» О́TTI

Reseı astanasynda marsh bastalmas buryn birqatar kórnektioppozısııashylardyń úıi tintýge ushyrap, ózderi prokýratýraǵashaqyrylǵanyna qaramastan, aldyn ala belgilengen aksııa ýaqytyndauıymdastyryldy. Uıym­dastyrýshylardyń sózderine qaraǵanda,marshqa 10 myń­nan 20 myńǵa deıin adam qatysqan.

«Mıllıondar marshy» Pýshkın alańynan bastalyp, Saharov dańǵylynda 3 saǵattyq mıtıngpen máresine jetti. Osy oqıǵaǵa oraı Máskeýde qaýipsizdik sharalary kúsheıtildi. Jalpy alǵanda, qalada tártip saqtaýǵa 12 myń polısııa qyz­metkeri tartylǵan. Oppozısııanyń aksııalary keshe sondaı-aq Reseıdiń basqa da qalalarynda bolyp ótti.

ÝGO ChAVES PREZIDENTTIKTEN ÚMITKER

Venesýelanyń  is basyndaǵy prezı­den­ti Ýgo Chaves 11 maýsymda prezı­dent­tikke kandıdat retinde tirkeldi. Ol 1999 jyldan beri osy eldiń prezıdenti bolyp tabylady. 57 jastaǵy saıasatker óziniń ba­ǵyn taǵy bir márte synap kórmek.

Venesýeladaǵy kezekti prezıdenttik saılaý  ústimizdegi jyldyń 7 qazanyna belgilengen. Chaves prezı­denttikten úmitker retinde tirkelgen kúni el astanasy – Karakas qalasynyń kóshelerine onyń myńdaǵan jaqtastary shyǵyp, qoldaý bildirdi. Chaves olardyń aldynda 3 saǵat sóz sóılep qana qoımaı, halyq ánin shyrqap, bı bıledi. Úmit­kerdiń sońǵy ýaqytta rak aýrýymen alysyp kele jatqany da belgili.

POLISIIаNY TONADY DEP AIYPTADY

Reseı polısııasy telejúrgizýshi Ksenııa Sobchaktyń úıine tintý júrgizgen bolatyn.  Bul áreketti úı ıesi shekten shyqqandyq dep baǵalady. Tintý «Mıllıondar marshyndaǵy» tártipsizdikter isine oraı júrgizilgen bolatyn. Onyń aıtýynsha, tań atpaı úıge basyp kirgender páterdi tonap ketken.

Keıin telejúrgizýshi ózinen shamamen 2 mıllıonǵa jýyq eýro tartyp alynǵanyn málimdedi. Bul jóninde «Interfaks» agenttigi habarlady. Basylym derek kóziniń aıtýynsha, jańa oppozısııalyq aksııa qarsańynda úıde osynshama kóp aqsha ne úshin saqtalǵany anyqtalýy tıis. Buǵan Sobchaktyń ýáji de daıyn: «Meniń jyldyq tabysym 2 mıllıon eýrodan asady, eger men bankterge senbeıtin bolsam, aqshany úıde saqtaýyma quqym bar emes pe?» deıdi ol.

 20 JYL BURYNǴY DEŃGEIGE KEDEILENDI

Ortasha amerıkalyq otbasynyń ál-aýqaty 2010 jyly 77,3 myń dollardy qurasa, bul 1992 jyldan bergi eń tómengi deńgeı bolyp tabylady. Bul jóninde AQSh-tyń Federaldyq rezervter júıe­siniń esebinde habarlanǵan. Salystyrmaly túrde aıtatyn bolsaq, 2007 jyly bul kórsetkish 126 myń dollardan joǵary eken.

Tabystyń tómendeýimen baılanysty amerıkalyqtar satyp alý úderisterin de azaıta bastaǵan. Alaıda, tutyný shyǵyny aıtarlyqtaı joǵary deńgeıde qalyp otyr eken. Tutyný shyǵyndarynyń joǵarylyǵy budan buryn alynǵan nesıelerdi tóleýmen baılanystyrylady. Sońǵy 3 jylda orta taptyń tabysy 12,1 paıyzǵa qulasa, baı otbasylardyń ál-aýqaty bar bolǵany 1,4 paıyzǵa tómendegen.

Qysqa qaıyryp aıtqanda:

Lvov qalasynyń meri Andreı Sadovyı ÝEFA-ǵa Eýro-2012 matchtarynanreportajdardy shuǵyl túrde tek ýkraın tilinde júrgizýdi qamtamasyzetý týraly talappen shyqty. Qalabasyn Irlandııa jáne Horvatııaquramalary arasyndaǵy oıyndy translıasııalaý orys tilinde júrgizilgeniashyndyrsa kerek.

EO-nyń Tájikstandaǵy ókildigi osy elden attashe Malıka Malkı menonyń zaıyby Djalol Kazýdy shyǵaryp jiberý týraly sheshimqabyldady. Tájikstan mılısııasynyń málim­deýin­she, sheteldikterótken aptada ishimdikke toıyp alyp, qoǵam­dyq tártipti buzǵan, onymen qoımaı, mılısııa qyzmetkerlerin soqqyǵa jyqqan.

Mıllıarder Ýorren  Baffettiń Berkshire Hathaway ınvestı­sııalyqqorynyń ıeligindegi  NetJets avıakompanııasy AQSh-tyń Cessna jáneKanadanyń Bombardier kompanııalarynan 425 ushaq satyp alatyn boldy. Kelisim somasy 9,6 mıllıard dollardy quraıdy. Ushaqtardy jetkizý 2014-2015 jyldarǵa josparlanypty.

Reseıdiń Orynbor oblysyndaǵy áskerı qoımadan órt shyqty. Oqıǵasaldarynan 700-den astam adam qaýipsiz jerlerge kóshirildi. О́rtbastalǵaly beri ony sóndirý úshin shamamen 1200 adam jáne 210 birliktehnıka, onyń ishinde órt poıyzdary, ushaqtary men tikushaqtarytartylypty. Jary­lys­tan zardap shekken úılerdiń ıeleri kisi basy10 myń rýblden ótemaqy alatyn bolady.

Internet materıaldary negizinde ázirlendi.