Sharaına

Senbi, 14 shilde 2012 6:50

Qara kúıe jaǵý jalǵasýda

Sırııa oppozısııasynyń ókilderine silteme jasaǵan «Reıter»agenttigi Sırııa prezıdenti Bashar Asadqa baǵynystaǵy kúshterdińHama provınsııasyndaǵy Tremseh eldi mekenine shabýyl jasap, sonyńsaldarynan 200-den astam adam, kópshiligi beıbit turǵyndar bolyptabylady, qaza tapty dep habarlady.

Senbi, 14 shilde 2012 6:50

Qara kúıe jaǵý jalǵasýda

Sırııa oppozısııasynyń ókilderine silteme jasaǵan «Reıter»agenttigi Sırııa prezıdenti Bashar Asadqa baǵynystaǵy kúshterdińHama provınsııasyndaǵy Tremseh eldi mekenine shabýyl jasap, sonyńsaldarynan 200-den astam adam, kópshiligi beıbit turǵyndar bolyptabylady, qaza tapty dep habarlady.

Oppozısııadaǵylardyń derekteri boıynsha, beısenbi kúni Tremsehqa artıllerııadan soqqy berilip, tikushaq jáne tank­termen atqylanǵan. Sırııa basshylyǵy bolsa, ózderiniń tarapyna baǵyttalǵan barlyq aıyptaýlardy teriske shyǵaryp otyr. Olardyń aıtýynsha, armııa tek lańkesterge qarsy arnaıy operasııalar jasaıdy.

Iranǵa qarsy sanksııany keńeıtti

AQSh-tyń qarjy mınıstrligi men memlekettik departamenti Irannyńbirqatar memlekettik kompanııalaryna qarsy jańa sanksııalar engizdi.Ja­ńa sanksııalardyń 11 kompanııa men 4 jeke adamǵa qatysy bar delinip otyr.

Vashıngtonnyń pikirinshe, bul kompanııalar men jeke adamdar Tehrannyń ıadrolyq baǵdar­lamasyn júzege asyrýmen aınalysady. Buǵan qosa, AQSh qarjy mınıstrligi Iran­nyń ózine salynǵan sanksııalaryn aınalyp ótýge kómek­tesken, sóıtip, saýda-sattyqpen aınalysýyna, onyń ishinde munaı satýyna járdemdesken álemniń túrli elderindegi 50 uıymdy anyqtapty. «Qara tizimge» engen barlyq kompanııalar budan bylaı qaraı AQSh aýmaǵyna kire almaıdy.

Isti jalǵastyrý talap etildi

Pákstannyń joǵarǵy soty eldiń jańa premer-mı­nıs­tri Radjı Pervez Ashraftan el prezıdenti Asıf Alı Zardarıge qatysty isti qaıta jalǵastyrýdy talap etti. Zar­darı Shveısarııa bankteri arqyly zańsyz jolmen alyn­ǵan 12 mıllıon dollardy jylystatqan degen kúdik bar.

Sottyń talabyna sáıkes, Ashraf Shveısarııa basshy­lyǵyna 25 shildege deıin Zardarıge qatysty isti jańǵyrtý ótinishimen shyǵýy tıis. Joǵarǵy sottyń málimdemesinde, eger talap oryndalmaǵan jaǵdaıda qoldanystaǵy konstıtýsııa men zańnamalarda qarastyrylǵanyndaı, premer-mınıstrge qatysty shara qoldanylatyny atap kórsetiledi.

Qurmetti legıon ordeniniń komandory

Qyrǵyzstannyń burynǵy basshysy Roza Otýnbaeva Qurmetti legıon or­de­niniń komandory atandy. Oǵan qur­met­ti ataq Fransııa prezıdentiniń ús­timizdegi jyldyń 20 sáýirindegi jarlyǵy boıynsha berildi. Bul kezde Fransııa prezıdenti Nıkolıa Sarkozı bolǵany belgili.

Fransııanyń Qyrǵyzstandaǵy elshisiniń atap ótýinshe, nagrada Otýnbaevanyń ótpeli kezeńdegi qıyndyqtarǵa qaramastan, sheshimdi de batyl is-qımyl tanytqan eńbegin tanýdyń nátıjesi bolyp tabylady. Atalǵan ordendi HIH ǵasyrdyń basynda Napoleon Bonapart taǵaıyndaǵan jáne ol Fransııadaǵy asa joǵary aıyrma belgisi bolyp sanalady. Otstavkaǵa keteriniń aldynda qyrǵyzdar Otýnbaevany Nobel syılyǵyna usynǵan edi.

Eskirgen tankterdi satý nıetinde

Chehııanyń qorǵanys mınıstrligi jaqyn ýaqyttarda kónergen 134 T-72 tankin satýdy bastamaq. Jalpy, cheh taraby áskerı tehnıkany sheteldikterge óz betinshe sata almaıdy. Jergilikti zańnamaǵa sáıkes, áskerı vedomstvo artyq tankterdi tek jeke kompanııalarǵa sata alady.

Tıisinshe, kelisim-shart jasalǵannan keıin eki jyldyń ishinde kompanııalar tehnıkany qaıta satýǵa nemese ýtılızasııaǵa jiberýge quqyly. Satyp alynǵan tankterdi jańǵyrtyp, armııa sapyna qaıta qoıý jaǵdaılary da kezdesedi. Ondaı tankter búginde, ásirese, Afrıka elderinde barshylyq kórinedi. Chehııadaǵy barlyq tankter KSRO-dan qalǵan. KSRO ydyraǵan kezde Chehoslovakııanyń ıeliginde túrli úlgidegi 3 myńnan astam tank bolypty.

Bishkekte ıslamıst jastar ustaldy

Bishkekte «Hızb-ýt-Tahrır» ıslamıst uıymy jastar qanaty qyzme­tiniń joly kesilgen. Jalpy, Qyr­ǵyz­standa bul uıym jumysyna tyıym salynǵan. Res­pýb­lıka ishki ister mınıs­trliginiń aqpa­rattaryna qaraǵanda, uıym eldegi bedeldi joo-lardyń stý­dentterin ózderine úgit­tep tartýmen aınalysypty.

Basymdyq asa qabiletti jastarǵa berilip kelgen. Al uıymnyń qansha múshesi ustalǵany týraly naqty aqparat joq. Alǵashqy oqýdan ótkizilgen jastardyń asa belsendi músheleri dinı ádebı kitaptar taratýmen aınalysqan. Jańadan alynǵandarǵa leksııalar Bishkektiń meshitteri men saıabaqtarynda aptasyna eki márte oqylyp kelgen. Uıymnyń jekelegen músheleri aı saıyn 200-300 som (4-6 dollar) kóleminde jarna tólep otyrǵan.

 Qysqa qaıyryp aıtqanda:

Ońtústik Afrıka Respýblıkasynda oryn alǵan poıyz apatynan 30-dan astam adam qaza tapty. Poıyz fermaǵa jumys­shylar apara jatqan júk kóligimen soqtyǵysqan. Júk kóliginde barlyǵy 50 adam bolsa kerek.

Japonııanyń ońtústik-batysynda jaýǵan nóser jań­byr­dyń saldarynan opat bolǵandar sany 18 adamǵa jetti. Olar­dyń 17-si Kýmamoto prefektýrasynda mert bolsa, bireýi Oıta prefektýrasynda kóz jumǵan. 8 adamnyń taǵdyry belgisiz.

Reseıdiń Memlekettik Dýmasy ekinshi jáne úshinshi oqy­lym­darda kólikti tehnıkalyq baqylaýdan ótkizetin talondy alyp tastaý jóninde zań qabyldady. Maquldanǵan zań resmı jarııa­lanǵan kúnnen bastap kúshine enedi.

Moldavııa parlamenti kommýnıstik rejimdi resmı túrde aıyp­tap, kommýnıstik sımvolıkalarǵa tyıym saldy. Sáıkes zań jobasy 12 shildede ótken parlament májilisinde qabyl­dan­dy. Zań jobasyn usynǵan – Moldavııanyń lıberaldyq partııasy.

Internet materıaldary negizinde ázirlendi.