Úkimettiń qaýlysymen Ermek Amantaıuly Alpysov Ulttyq ekonomıka vıse-mınıstri laýazymyna taǵaıyndaldy. Bul týraly Premer-Mınıstrdiń baspasóz qyzmeti habarlady.
E. Alpysov 1971 jyly Soltústik Qazaqstan oblysynda dúnıege kelgen. Abaı atyndaǵy Almaty memlekettik ýnıversıtetin, I. Jansúgirov atyndaǵy Jetisý memlekettik ýnıversıtetin támamdaǵan.
Eńbek jolyn 1993 jyly bastaǵan. Ár jyldary kommersııalyq sektorda qyzmet etken.
2004–2008 jyldary — Almaty oblysynyń Aqsý aýdany ákiminiń orynbasary. 2008–2012 jyldary — Taldyqorǵan qalasy ákiminiń orynbasary. 2012–2015 jyldary — Taldyqorǵan qalasynyń ákimi laýazymyn atqarǵan.
2015 jyldan 2017 jyl aralyǵynda — Prezıdent Ákimshiliginiń Memlekettik baqylaý jáne uıymdastyrýshylyq-aýmaqtyq jumys bóliminiń memlekettik ınspektory.
2017 jyldan bastap qazirge deıin Prezıdent Ákimshiliginiń Memlekettik baqylaý jáne uıymdastyrýshylyq-aýmaqtyq jumys bólimi meńgerýshisiniń orynbasary qyzmetin atqardy.