Senbi, 4 tamyz 2012 7:34
Monǵolııanyń eks-prezıdenti sottaldy
Monǵolııanyń burynǵy prezıdenti Nambaryn Enhbaıardy sotjemqorlyqpen aınalysqany úshin 4 jylǵa bas bostandyǵynan aıyryp,dúnıe-múlkin tárkiledi jáne 25 mıllıon týgrık (18600 AQSh dollary)aıyppul saldy.
Senbi, 4 tamyz 2012 7:34
Monǵolııanyń eks-prezıdenti sottaldy
Monǵolııanyń burynǵy prezıdenti Nambaryn Enhbaıardy sotjemqorlyqpen aınalysqany úshin 4 jylǵa bas bostandyǵynan aıyryp,dúnıe-múlkin tárkiledi jáne 25 mıllıon týgrık (18600 AQSh dollary)aıyppul saldy.
Basynda sot Enhbaıarǵa jeti jyl bergenimen, artynan úsh jylyn qysqartqan. Sondaı-aq burynǵy prezıdentpen birge jemqorlyqpen aınalysty jáne laýazymdyq qyzmetin asyra paıdalandy degen kúdikpen tórt mınıstr jáne bir kásipkerge de aıyp taǵylyp otyr. Sot sheshimimen kelispegen burynǵy prezıdent jaqtastary polısııamen qaqtyǵysyp qalǵan.
Soltústik Koreıa BUU kómegine zárý
KHDR bıligi ótken aıda aýyl sharýashylyǵy jerlerin sý tasqyny basyp qalýy saldarynan BUU tarapynan kómek kórsetýdi surady. Bul arada naqty kómek eń aldymen azyq túlikpen jáne janar-jaǵar maımen qamtamasyz etý jóninde bolyp otyr.
Oryn alǵan sol tabıǵı apattan 100 adam mert bolyp, ondaǵan myńy baspanasyz qalǵan-dy. Qazirgi qalyptasqan jaǵdaıda KHDR el turǵyndaryn asyraı almaıtyndyǵy halyqaralyq qaýymdastyqty mazalaı bastady. BUU málimetine qaraǵanda, sý tasqyny oryn almaı turǵan shaqta el turǵyndarynyń 60 paıyzy toıa tamaq ishpeıtin kórinedi.
Sırııada 50 adam qaza tapty
Sırııanyń Ham qalasyn kóterilisshilerden azat etý barysynda 50 adam qaza tapqan. Keıbir derekterge qaraǵanda, beıbit turǵyndar da oqqa ushqan. Onyń ishinde úkimettik áskerıler úsh otbasy múshelerin atyp tastaǵan kórinedi. Úkimettik avıasııa qazirgi kezde áýeden soqqy berýdi kúsheıte bastady.
Jalpy, Bashar Asad jaqtaýshylary men oppozısııa arasyndaǵy 17 aıǵa sozylǵan qaqtyǵystan BUU málimetinshe, 20 myń adam qaza taýypty. Qazirgi tańda Sırııanyń ekonomıkalyq astanasy – Aleppo úshin qııan-keski urys jalǵasýda. Osy rette BUU-nyń Sırııadaǵy arnaıy ókili Koffı Annan beıbit jospardy júzege asyra almaǵany úshin óz laýazymynan ketetinin málimdegen.
Brazılııadaǵy «ǵasyr daýy»
Brazılııanyń Joǵarǵy sotynda burynǵy prezıdent Lýısa Inasıý Lýla da Sılva aınalasyndaǵy 38 adamǵa sybaılas jemqorlyq qylmysyna qatysty «ǵasyr daýy» degen ataýǵa ıe bolǵan prosess bastaldy. Atap aıtqanda, Sılva qurǵan Jumysshy partııasy 2003-2005 jyldary qoǵamdyq qarjyny bıliktik koalısııa qurýǵa jumsaǵan.
Keıbir parlament depýtattarynyń aı saıyn aqsha alyp turǵany belgili boldy. Tólem kólemi keıbir kezde aıyna 10 myń AQSh dollaryna deıin jetken. Lýla da Sılvanyń ózi bul jaǵdaıdan beıhabarmyn dep málimdese, keıbir depýtattar aqsha alǵandaryn moıyndapty. Biraq solardyń kóbi bul aqshalar zań jobalaryn ótkizýge arnalmaǵan edi dep aqtalýǵa tyrysqan.
Depýtat oıynnan alastatyldy
Ázerbaıjan Boks federasııasynyń prezıdenti, qazirgi parlament depýtaty Agadjan Abıev boks týrnırinde oryn alǵan sýdıalyq daýdan keıin Londonda ótip jatqan 2012 jylǵy Olımpııalyq oıyndardan alastatyldy. Federasııa basshysy erejeni buzyp, saıys kezinde sportshylarmen sóılesken kórinedi.
Al sýdıalyq daý 56 kılo salmaqta qolǵap túıistirgen japondyq Satosı Sımısý men ázerbaıjandyq Mamed Abdýlgamıdov oıynynda oryn alǵan. Sońǵy raýndta Sımısý qarsylasyn jeti ret nokdaýnǵa jiberse de, túrkimenstandyq referı oıyndy toqtatpaǵan. Sol úshin referı Ishangýlı Meretnııazov eline qaıtaryldy, al japondyq sportshyǵa jeńiske jetti degen sheshim shyǵarylyp berildi.
Aral apaty saldarymen kúresý
Túrkimenstan qurǵap bara jatqan Aral teńiziniń ekologııalyq zardabynan japa shekpeý úshin jańa joba ázirledi. Atalǵan joba respýblıka prezıdenti Gýrbangýly Berdymuhamedov tarapynan BUU-nyń «Rıo+20» jónindegi turaqty damý konferensııasy barysynda bastama retinde kóterilgen.
Túrkimenstannyń vıse-premeri Annageldı Iаzmyradovtyń sózine qaraǵanda, joba boıynsha 20 myń gektar alqapqa japyraqty taldar, sekseýil, sondaı-aq ár túrli ósimdikter men butalar otyrǵyzylatyn bolady. Al prezıdenttiń málimetinshe, Aral mańaıyndaǵy ekologııalyq ahýaldy jaqsartýǵa ondaǵan mıllıon dollar baǵyshtalyp otyr.
Qysqa qaıyryp aıtqanda:
Italııanyń Iemendegi elshiligi qaýipsizdik qyzmetiniń qyzmetkeri buǵan deıin jergilikti sodyrlar tarapynan urlanǵan-dy. Alaıda sodyrlar ony munaı shyǵarýshy Maarıb provınsııasynyń jergilikti bıliginiń qolyna tapsyrypty. Dıplomat endi Italııa elshisine qaıtarylatyn bolady.
Irannyń densaýlyq saqtaý mınıstrligi jıyrma jyldan beri júrgizilip kele jatqan eldegi bala týýdy shekteý saıasatynan bas tartatyndyǵyn rastady. Mundaı sheshimniń qabyldanýyna aıatolla Alı Hameneıdiń el turǵyndarynyń sany 150-200 mıllıon adamdy quraýy tıis degen málimdemesi sebepshi bolǵan. Qazir Iranda 80 mıllıon adam turady.
Korsıkada 1986 jyly oryn alǵan Chernobyl AES apatynyń saldary aral turǵyndarynyń densaýlyǵyna teris áseri tıdi me, degen másele talqylanyp jatyr. Aral basshylary turǵyndardan qan aýrýlaryna qatysty aqparattar berýin surapty.
Fransııada qazirgi prezıdent Fransýa Ollandqa arnalǵan «prezıdenttiń izimen» atty saıahat týrısterdi tarta qoımaǵan. Atalǵan shara sársenbi kúni Olland óziniń alǵashqy saıası qadamyn jasaǵan Tıýl qalasynda ótýi tıis bolatyn. Týrısterge Olland júrip ótken joldar boıyndaǵy onyń súıikti meıramhanalarynan tamaqtaný usynylǵan kórinedi.
Internet materıaldary negizinde ázirlendi.