Nursultan Nazarbaev elordanyń Almaty aýdanyndaǵy Qazaqstan musylmandary dinı basqarmasynyń jańa ǵımaratyn aralap kórdi. Bul týraly Aqordanyń baspasóz qyzmeti habarlady.
Memleket basshysy Qazaqstan musylmandary dinı basqarmasynyń qazirgi jumysymen jáne aldaǵy josparymen tanysty, sondaı-aq qyzmetkerlermen áńgimelesti.
– Sizderdiń jumystaryńyz úshin barlyq jaǵdaı jasaldy. Biz sizdermen birge halyqtyń ıgiligi úshin eńbek etemiz. Eger memlekette birlik pen kelisim bolmasa, ondaı eldiń bolashaǵy joq, – dedi Qazaqstan Prezıdenti.
Nursultan Nazarbaev jıynǵa qatysýshylardy kele jatqan Naýryz meıramymen quttyqtap, Dinı basqarmanyń jumysyna tabys tiledi.
«Nurly Astana» korporatıvtik qory Qazaqstan musylmandary dinı basqarmasy jańa ǵımaratynyń qurylysyn 2015 jyldyń qazan aıynda bastap, 2018 jylǵy jeltoqsanda aıaqtady.