Beısenbi, 13 qyrkúıek 2012 7:40
Iemen prezıdenti Abd Rabbo Mansýr Hadı keshe óz ákimshiligi men jetekshimınıstrlikterdiń basshylaryn aýystyrdy. «Reıter» agenttiginińhabarlaýynsha, munaı jáne bilim mınıstrleri, sondaı-aq syrtqy barlaýjáne ulttyq qaýipsizdik qyzmetiniń basshylary qyzmetterinenbosatylǵan.
Beısenbi, 13 qyrkúıek 2012 7:40
Iemen prezıdenti Abd Rabbo Mansýr Hadı keshe óz ákimshiligi men jetekshimınıstrlikterdiń basshylaryn aýystyrdy. «Reıter» agenttiginińhabarlaýynsha, munaı jáne bilim mınıstrleri, sondaı-aq syrtqy barlaýjáne ulttyq qaýipsizdik qyzmetiniń basshylary qyzmetterinenbosatylǵan.
Naqty derekterge qaraǵanda, qyzmetterinen bosatylǵan bul laýazymdy tulǵalar eldiń burynǵy prezıdenti Alı Abdýlla Salehtyń serikteri bolǵan kórinedi. Alı Saleh eldegi tóńkeris saldarynan prezıdenttikten ketýge májbúr bolǵan edi. Prezıdent sondaı-aq birqatar kúsh vedomstvolarynyń basshylaryn da qyzmetterinen bosatyp otyr. Keıbir sarapshylar laýazymdy tulǵalardyń qyzmetten bosatylýyn 11 qyrkúıekte eldiń qorǵanys mınıstri Mohammed Naser Ahmed Alıge jasalǵan qastandyqpen baılanystyrady.
Karachıdegi jaǵdaı
«Frans-press» agenttiginiń taratqan aqparattary boıynsha, Pákstannyń Karachı qalasyndaǵy tigin fabrıkasynda bolǵan órtten qaza tapqandar sany 110 adamnan asqan. Karachı qalasy órt qyzmeti bastyǵy Ehtesham Salımniń málim etýinshe, órtengen ǵımarattan adamdardyń múrdesin izdestirý jumystary jalǵasýda.
О́rt qyzmeti bastyǵynyń aıtýynsha, ajal qushqandardyń kópshiliginiń denesi ǵımarat astyndaǵy jertóleden tabylyp otyr. Jertóle tolyǵymen janyp ketken. Eldiń qarjylyq jáne ónerkásip astanasy sanalatyn Karachıdegi órtten apat bolǵandar sany arta túsýi múmkin. Al órt 11 qyrkúıekte bolǵan. Osy kúni sondaı-aq Lahor qalasyndaǵy aıaq kıim fabrıkasynda da órt shyqqan. Sonyń saldarynan 25 adam mert bolǵan eken. Bir kúnde eki iri fabrıkada oryn alǵan órtke qatysty Pákstan bıligine syndar da aıtyla bastady.
Resmı málimdeme jasamady
Seısenbi kúni keshkisin AQSh-tyń Bengazı qalasyndaǵy konsýldyǵyna shabýyl jasaldy. «Frans-press» agenttiginiń Lıvııadaǵy tilshisiniń habarlaýynsha, qarýlanǵan top dıplomatııalyq mıssııanyń ǵımaratyna basyp kirip, órtep jibergen.
Al «Al-Arabııa» telearnasynyń habardar etýinshe, AQSh konsýldyǵy granatometten atqylanǵan. Lıvııa bıligi ókiliniń sózine qaraǵanda, konsýldyq ǵımaratqa ıslamshylar shabýyl jasaǵan. О́ıtkeni, oǵan amerıkalyq telearnanyń 11 qyrkúıektegi terrorlyq áreketke oraı kórsetken fılmi sebep bolǵan. Fılmde Muhammed paıǵambardy ǵaıbattaǵan kórinister bar kórinedi. Mundaı qarsylyq sondaı-aq Egıpet astanasy Kaırde de ótken. AQSh-tyń memlekettik departamenti Lıvııadaǵy jaǵdaıǵa baılanysty qazirge resmı málimdeme jasaǵan joq.
Tórt adam tiri qaldy
Reseıdiń tergeý komıteti Kamchatkada apatqa ushyraǵan An-28 ushaǵyna qatysty úsh jaǵdaıdy atady. Olar: ekıpaj músheleriniń senimsiz is-qımyly, ushaqtyń tehnıkalyq aqaýlyǵy jáne aýa raıynyń qolaısyzdyǵy.
Tergeýshiler ushaqtaǵy janarmaıdy tekserýdi qolǵa alǵan. Sonymen birge, ushqyshtardyń jergilikti basqarý qyzmetimen sóılesken jazbalardy da tapqan. 12 qyrkúıekte Petropavlovsk-Kamchatskiden Palana baǵyty boıynsha ushqan reıs túske jaqyn radardan joǵalyp ketken. Kóp keshikpeı áýe kemesiniń synyqtary jaqyn mańnan tabyldy. Apat saldarynan ushaqtaǵy 10 adam opat boldy, olardyń ekeýi ekıpaj músheleri. Ushaqtaǵy tórt jolaýshy aman qaldy.
Kezdesýge nıet bildirmedi
AQSh prezıdenti Barak Obama Izraıl premer-mınıstri Bınıamın Netanıahýdiń Qurama Shtattaryna sapary kezinde onymen kezdespeıdi. Bul jóninde «Frans-press» aqparat agenttigi habarlady.
Izraıldiń joǵary shendi ókiliniń aıtýynsha, B.Netanıahý óziniń sapary barysynda B.Obamamen kezdesýdi ótingen. Biraq Aq úı onyń ótinishin qabyldamaǵan. Resmı derekterge qaraǵanda, AQSh prezıdentiniń jumys kestesi asa tyǵyz bolǵandyqtan, ol Izraıl premer-mınıstrimen kezdesýdi jón dep tappaǵan sııaqty. Degenmen, premer-mınıstr AQSh-tyń ózge de joǵary laýazym ıelerimen, onyń ishinde memlekettik hatshy H.Klıntonmen kezdesedi.
Osyndaı da bolady eken
Londonnyń batysynda Hıtroý áýejaıyna qonýy kezinde ushaqtan qulaǵan er adamnyń denesi tabyldy. Aqparat kózderine qaraǵanda, ol 20-30 jastardaǵy afrıkalyq kórinedi.
Polısııa qyzmetkerleri ústinde djınsy men keýdeshesi bar adam ekıpaj músheleri de emes ekendigin, ushaq bortynda mundaı adamnyń bolmaǵanyn da aıtady. Aldyn ala jasalǵan qorytyndy boıynsha, ol ushaq shassıiniń bóliginde tyǵylyp, jasyryn ushyp kelgen beıbaq sııaqty. Jergilikti basylymnyń jazýynsha, álgi adam 600 metrdeı bıiktikten qulaǵan.
Internet materıaldary negizinde ázirlendi.