Sársenbi, 24 qazan 2012 7:18
AQSh prezıdenttiginen úmitker Barak Obama men Mıtt Romnı arasynda ótken teledebatta eldiń qazirgi prezıdenti Barak Obama jeńiske jetti. Ony respondentterdiń 48 paıyzy, al Mıtt Romnıdi 40 paıyzy qoldaǵan.
Sársenbi, 24 qazan 2012 7:18
AQSh prezıdenttiginen úmitker Barak Obama men Mıtt Romnı arasynda ótken teledebatta eldiń qazirgi prezıdenti Barak Obama jeńiske jetti. Ony respondentterdiń 48 paıyzy, al Mıtt Romnıdi 40 paıyzy qoldaǵan.
Sarapshylardyń baǵalaýynsha, bul teledebatta kandıdattardyń eshqaısysy kórermenderdiń basym qoldaýyna ıe bola almady. Debat qorytyndysy boıynsha suraý salynǵandardyń 24 paıyzy ózderiniń prezıdenttik saılaýda kimge daýys beretinine daıyn ekendikterin bildirgen. Florıda shtatynda ótken bul debat saılaý aldyndaǵy sońǵy teledebat bolyp tabylady. Debattyń basty taqyryby – AQSh-tyń syrtqy saıasaty boldy. Onda kandıdattar ekonomıkalyq máselelerge de nazar aýdarǵan.
Prezıdent raqymshylyq jarııalady
Sırııa prezıdenti Bashar Asad elde jappaı raqymshylyq jarııalady. SANA memlekettik agenttiginiń habarlaýynsha, raqymshylyq jasaýdyń qylmysy úshin sottalǵandarǵa da qatysy bar. Buryn Bashar Asadtyń rejimine qarsylyq kórsetkenderi úshin tutqyndalǵandar da bostandyqqa shyǵaryla ma, joq pa, ol qazirge belgisiz.
Sırııada 2011 jyldyń aqpanynan beri Asad bıligi men oppozısııa arasynda qarýly qaqtyǵys bolyp keledi. Jaǵdaı birneshe myńdaǵan aksııaǵa qatysýshylardy kúshpen qýyp taratqannan keıin tipti ýshyǵa tústi. Kóptegen oppozısıonerler tutqynǵa alyndy. Qaqtyǵystar kezinde 30 myńnan astam adam qaza tapty. Qazirgi kezde bılik áskerleri men oǵan qarsylastar arasyndaǵy soǵys Maaret al-Nýman qalasy úshin júrip jatyr.
Qarý-jaraq qoımalaryn qysqartady
Reseı qorǵanys mınıstrligi el aýmaǵyndaǵy túrli qarý-jaraq saqtaıtyn qoımalar sanyn on esege qysqartpaq. Birinshi kezekte eldi mekenderge jaqyn jerlerdegi 31 nysan jabylatyn bolady. Bul jóninde qorǵanys mınıstriniń orynbasary, armııa generaly Dmıtrıı Býlgakov málimdedi.
Generaldyń sózine qaraǵanda, áskerıler jańa qarý-jaraq qoımalary júıesin qurýdy da oılastyryp jatyr. Qoımalardyń bir bóligi qazirdiń ózinde taratyldy, qalǵan qaýipti degen qarý-jaraqtar qaýipsiz jerge áketildi. 2015 jylǵa qaraı ashyq alańdardaǵy qarý-jaraq qoımalaryn tolyqtaı joıý josparlanyp otyr. Qarý-jaraq qoımalaryn jańa júıelermen jabdyqtaýǵa 75 mıllıard rýbl jumsalady. Sońǵy birneshe jylda Reseıde órt saldarynan, bombalar men oqtumsyqtardy joıý kezinde jarylys bolyp, áskerıler mert bolǵan edi. Sonyń biri – osy jyldyń 9 qazanynda Dongýz polıgonyndaǵy órt.
Mınıstr otstavkaǵa ketti
Japonııanyń ádilet mınıstri Keısıý Tanaka keshe óziniń otstavkaǵa ketetini týraly ótinish bergen. Premer-Mınıstr Esıhıko Noda onyń otstavkasyn qabyldaǵan. Otstavka sebebi mınıstrdiń ózin nashar sezinetindiginde jatsa kerek.
74 jastaǵy K.Tanaka ádilet mınıstri kreslosyna osy qazan aıynyń basynda ǵana otyrǵan edi. Taǵaıyndala salyp-aq ony Qytaı azamatynan qaıyrymdylyq retinde aqshalaı 420 myń ıen (5,4 myń dollar) aldy dep aıyptady. Málim bolǵanyndaı, mınıstr shynynda da qytaılyqtan 2006 jyldan bastap aqsha alyp kelipti. Al Japonııa zańnamasyna sáıkes saıasatkerlerdiń shetel azamattarynan aqsha qabyldaýǵa quqyǵy joq. Eks-mınıstr ózine taǵylǵan aıypty joqqa shyǵarmaıdy.
Bosqyndar bas kóterdi
Grýzııanyń aqparat agenttikteriniń habarlaýynsha, Tbılısıde júzge jýyq bosqyn jazany oryndaý jónindegi departamenttiń ǵımaratyn basyp alǵan. Olar memleket ózderine baspana bermeıinshe, ǵımaratty bosatpaıtyndaryn málimdegen.
Resmı málimetter boıynsha, Grýzııada Abhazııa men Ońtústik Osetııadan kelgen 260 myńǵa jýyq bosqyn bar. Olardyń birqataryna, ıaǵnı 10 myńdaı otbasyna Tbılısıden baspana berilgen kórinedi. Bosqyndarǵa provınsııalardan turǵyn úıler usynylǵan da eken. Biraq, astanadan ketkisi kelmeıdi. Basty sebep – onda jumys oryndarynyń joqtyǵy.
Bazardaǵy jappaı tóbeles
Belorýssııa mılısııasy ótken jeksenbide Mınskidegi bazarda bolǵan jappaı tóbeleske qatysty qylmystyq is qozǵady. Bul jóninde BELTA habarlady.
Málimetterge qaraǵanda, tóbeles «Jdanovıch» bazarynda bolǵan. Oǵan sebep uıaly telefon baǵasynyń satylý quny kórinedi. Tóbeles kezinde oq ta atylǵan sııaqty. Mılısııa tóbeleske qatysqandardyń 43-in ustaǵan. Al tóbeles Stavropol jáne Astrahan óńirlerinen kelgen syǵandar arasynda bolǵan.
Qysqa qaıyryp aıtqanda:
Reseıdiń tergeý organdary Máskeý bankiniń burynǵy basshysy AndreıBorodınniń 400 mıllıon dollardan asatyn dúnıe-múlkin tutqyndady.Quqyq qorǵaý organdary oǵan qarjyny zańsyz ıemdengen jáne onyshetel bankterine aýdarǵan degen aıyp taǵýda.
Taıvan aýrýhanasynda shyqqan órtten 12 adam mert bolyp, 60 adamzardap shekti. О́rt keshe erteńgisin shyqqan, 100-den astam emdelýshibasqa jerge kóshirildi.
Polshanyń Debno qalasynda Osvensım lageriniń eń qart «tutqyny»Antonıı Dobrovskıı qaıtys boldy. Ol 108 jyl ómir súrgen eken.
Germanııa bıligi Reseıge tyńshylar almasý jóninde usynys bildirdi. Osyǵan baılanysty Berlın Máskeýge 1980 jyldary tutqyndalǵan erli-zaıyptyny qaıtarýǵa daıyn ekenin málimdedi.
Internet materıaldary negizinde ázirlendi.