24 saǵat

Sársenbi, 31 qazan 2012 7:55

Nıý-Iorktiń ishinara sý bas­qan Kvıns aýdanynda «Sen­­dı» daýylynyńsaldarynan kúshti órt boldy. Kem degende 50 ǵımarat órtense, kópshiligi tolyqtaı janyp ketti. О́ńirde myńdaǵan avıareıster toqta­tylyp, Nıý-Iorkte metro jabylyp qal­dy. 7 mıllıondaı adam ja­ryq­syz otyr. Qaza tapqan­dar sany, sońǵy derek boıynsha, 15 adamǵa ja­qyndady. Ta­bıǵat apatynyń jalpy shy­ǵyny qazirdiń ózin­de 20 mıl­lıard dollarǵa ba­ǵalanýda.

Sársenbi, 31 qazan 2012 7:55

Nıý-Iorktiń ishinara sý bas­qan Kvıns aýdanynda «Sen­­dı» daýylynyńsaldarynan kúshti órt boldy. Kem degende 50 ǵımarat órtense, kópshiligi tolyqtaı janyp ketti. О́ńirde myńdaǵan avıareıster toqta­tylyp, Nıý-Iorkte metro jabylyp qal­dy. 7 mıllıondaı adam ja­ryq­syz otyr. Qaza tapqan­dar sany, sońǵy derek boıynsha, 15 adamǵa ja­qyndady. Ta­bıǵat apatynyń jalpy shy­ǵyny qazirdiń ózin­de 20 mıl­lıard dollarǵa ba­ǵalanýda.

Kanadanyń batys jaǵa­laý­yn­da magnıtýdasy 6,3 balldyq jer silkinisi boldy. Jer sil­kinisiniń epısentri Brıtanııa Kolýmbııasy provınsııasynda tirkelgen. Kanada bıligi ázirshe zilzala saldary týraly esh­qan­daı aqparat taratqan joq. Al jaqyn ýaqytta Kanadanyń shyǵys jaǵalaýyna «Sendı» daýyly jetedi dep kútilýde.

Túrkııa syrtqy ister mı­nıstri Ahmet Dáýitoǵly Re­seı­diń Sırııanyń is basyn­da­ǵy úkimetimen únqatysýǵa kelý týraly usynysynan úzil­di-kesildi bas tartty. Reseı syrtqy ister mınıstri Sergeı Lavrovtyń pikirinshe, mun­daı únqatysýsyz Sırııa jan­jalyn beıbit retteý ba­ǵy­tyndaǵy progreske qol jet­kizý is júzinde múmkin emes.

Sırııa búlikshileri men úki­mettik áskerler arasynda Homs qalasy mańyndaǵy áskerı bazada keskilesken urystar júrip jatyr. Qorshaýdaǵy úkimet ás­ker­lerine kómekke avıasııa tartyldy. Biraq Homsty qorshap turǵandar keri sheginer emes. Homs tóńiregimen qatar, urys qı­myldary Aleppo-Damask tasjoly boıynda turǵan ál-Nýman qa­lasynda da jalǵasqan. Úki­met áskerleri búlikshilerdi atal­ǵan eldi mekennen bir aıdan beri yǵystyryp shyǵara almaýda.        

Bahreın basshylyǵy  keshe eldegi qaýipsizdik ahýaly jaqsarǵansha jáne ulttyq birlik qalpyna keltirilgen­she kez kelgen kópshilik jınalystar men mıtıngiler ót­ki­zýge tyıym saldy. El ishki ister mınıstrliginiń buıry­ǵy­na sáıkes, atalǵan ahýal qalyptasqansha is júzinde tó­tenshe jaǵdaı rejimin bildi­retin qatal zańdar engiziletin bolady.

Keshegi málimetke qaraǵanda, Ýkraına OSK-si Joǵarǵy ra­daǵa  saılaý bıýlletenderiniń 90 paıyzyn qarap úlgergen. On­daǵy derek boıynsha, alda bu­rynǵysynsha bıleýshi Aımaq­tar partııasy keledi eken. Onyń jınaǵan daýysy 31,51 paıyz. Birlesken oppozısııa 24,5 paıyz daýys jınapty. Úshinshi oryn­daǵy kompartııanyń kórsetkishi – 13,77 paıyz. Odan sál ǵana qalys boksshy Vıtalıı Klıch­ko­nyń ÝDAR partııasy tur – 13,52 paıyz.

Grýzııanyń jańa bas prokýrory Archıl Kbılashvılı el sottary eki aptaǵa isterdi qaraýdy toqtatatynyn má­lim­dedi. Jańa basshy bul áre­ketti prokýratýradaǵy kadr­lar aýysýymen, sondaı-aq aǵymdaǵy isterdi qaıta qaraý qajettigimen túsindirdi. Onyń pikirinshe, burynǵy rejimde isti bolǵan keıbir adamdar aqtalyp shyǵýy yqtımal. Al bul úndeýge sýdıalardyń qalaı qaraıtyny ázirshe beımálim.

Aqparat agenttikteri materıaldary negizinde ázirlendi.