Erejesiz jekpe-jek álemindegi eń beldi uıym UFC-de óner kórsetip júrgen qazaq jigiti Damır Ismaǵulov Maırbek Taısýmovpen kúsh synasýy múmkin.
Reseıdiń Orynbor oblysynda týyp-ósken 28 jastaǵy Damır 70 kılo salmaq dárejesi boıynsha M-1 nusqasynyń altyn belbeýin ıelengennen soń Amerıkaǵa attandy. UFC-de ol eki jekpe-jek ótkizip, ekeýin de óz paıdasyna sheshti. Barlyǵy 20 márte aıqas alańyna shyqqan Ismaǵulov 18 básekede jeńiske jetti.
Al qarsylasy jaıynda aıtar bolsaq, 30 jastaǵy Maırbek Sheshenstannyń týmasy. Ol osy kúnge deıin 32 kezdesý ótkizip, 27 ret basymdyq tanytty. Sońǵy alty básekesiniń barlyǵyn jeńispen aıaqtaǵan Taısýmov bes qarsylasyn nokaýtqa jiberdi.
Bul jekpe-jek ekeýine de asa qajet. Sebebi, Maırbektiń oktagonǵa shyqpaǵanyna jarty jyldan asa ýaqyt ótti. Al UFC-de endi ǵana qadam jasap júrgen Damırǵa reıtıngin jaqsartý úshin Taısýmovtaı bedeli zor sportshymen aıqasýdyń mańyzy zor.
Ǵalym SÚLEIMEN,
«Egemen Qazaqstan»