Qazaqstan Respýblıkasy Úkimetiniń qaýlysymen Qamaljan Talǵatuly Nadyrov QR densaýlyq saqtaý vıse-mınıstri qyzmetine taǵaıyndaldy. Bul týraly QR Premer-Mınıstriniń baspasóz qyzmeti habarlaıdy.
Q. Nadyrov 1983 jyly Almaty qalasynda dúnıege kelgen. S. Asfendııarov atyndaǵy Qazaq memlekettik medısınalyq ýnıversıtetin, Turan ýnıversıtetin, Qoǵamdyq densaýlyq saqtaýdyń joǵary mektebin támamdaǵan. Ártúrli jyldary Duke University, «The Fuqua School of Business» (AQSh), «Parkway College» (Sıngapýr), «Florence Nightingale» klınıkalar toby (Túrkııa), «Oxford «Social Health Insurance system» (Germanııa) oqýdan ótken. .
2007–2014 jyldary B.O. Jarbosynov atyndaǵy Ýrologııa ǵylymı ortalyǵynda klınıkalyq ordınator, bólim meńgerýshisi, bas dırektordyń orynbasary qyzmetterin atqarǵan.
Densaýlyq saqtaý mınıstrliginiń qurylymynda 2014 jyldan bastap jumys isteıdi. Medısınalyq qyzmetterdi standarttaý departamenti dırektorynyń orynbasary laýazymyn atqarǵan.
2016–2017 jyldary — «University Medical Center» bólimshesiniń dırektory — Respýblıkalyq dıagnostıkalyq ortalyqty basqarǵan.
2017–2018 jyldary — Astana qalasynyń Densaýlyq saqtaý basqarmasynyń basshysy. 2018 jylǵy naýryzdan bastap qazirgi tańǵa deıin Astana qalasynyń Qoǵamdyq densaýlyq saqtaý basqarmasynyń basshysy laýazymyn atqarǵan.