Qazaqstan Prezıdenti Qasym-Jomart Toqaev úshtildilik baǵdarlamasyna qatysty pikir bildirdi. Bul týraly Prezıdenttiń Baspasóz hatshysy Berik Ýálı feısbýktegi paraqshasynda jazdy.
Memleket basshysy óńir ákimderiniń qatysýymen ótken keńeste Úkimet músheleriniń baıandamalaryn talqylaý barysynda bilim berý júıesiniń úshtildilik baǵdarlamasyn iske asyrý máselelerine nazar aýdardy. «Bul – óte kúrdeli ári mańyzdy másele. Meniń ustanymym, birinshiden, qazaq tili bolýǵa tıis, orys tili bolýǵa tıis. Bulardyń balalarymyz úshin mańyzy zor. Tek sodan keıin ǵana aǵylshyn tilin oqytý kerek», – dedi Qazaqstan Prezıdenti.