Alyp megapolıs - Almatynyń aýmaǵy jyl sanap artyp keledi. Osyǵan oraı kólik sany da eselep ósýde. Keptelektiń aldyn alyp, bul máseleni júıeli rettep otyrý úshin qala joldaryn ońtaılandyrýdyń mańyzy zor. Mamandardyń aıtýynsha, aǵymdaǵy jyldyń sońyna deıin megapolıste úsh birdeı jol aıyryǵy salynbaq.
Qalalyq mobıldilik basqarmasynyń basshysy Saǵyndyq Telibaevtyń sózinshe, bıyl jeltoqsan aıynda Rysqulov dańǵyly men Qulja tas joly, Seıfýllın men Jansúgirov kósheleri, Rysqulov pen Emsov kósheleriniń qıylysyndaǵy jol aıyryqtarynyń qurylysy tolyqtaı aıaqtalady. Bul jol aıyryqtardyń arqasynda kólikterdi ótkizý aǵyny 15 paıyzǵa artady degen úmit bar.
Buǵan qosa, qaladaǵy Úlken Almaty aınalma jolyna eki kóshe jalǵanbaq. Abaı kóshesi qalanyń shetki aýdandaryna deıin sozylsa, Saıyn kóshesiniń Aqyn Sara kóshesi men Rysqulov kóshesiniń aralyǵy tolyq jóndeledi. Bul Úlken Almaty aınalma jolyna jalǵanatyn bolady. Qurylys jumystary keler jyldyń qyrkúıek aıyna deıin josparlanǵan.
Arman OKTIаBR,
«Egemen Qazaqstan»