О́tken aptada 31 naýryz kúni Seleti sý qoımasyndaǵy sýdyń kóbeıýi jáne sý ótkizý qubyrlarynyń álsizdiginen Sholaqsor aýylyna kireberis joldy sý basyp qalǵan-dy.
Qazir mamandar Sileti sý qoımasynan Sholaqsor aýylyna deıingi sýdyń qozǵalý barysyn kúndelikti baqylaýda.
Aýdanda «Kóktem-2019» respýblıkalyq komandalyq-shtabtyq oqý-jattyǵýlary ótkizilip, barlyq tehnıkalardyń daıyndyǵy tekserilipti.
Sileti ózeniniń sý deńgeıine turaqty túrde monıtorıng júrgiziledi.
Sonymen birge, tasqyn sý deńgeıiniń kóterilýine baılanysty jaǵdaıdy monıtorıngileý jáne tótenshe jaǵdaılarǵa jedeldik úshin 32 qyzmetker, 9 birlik tehnıka, 3 júzý qaıyǵy bar daıyndaldy.
Kúni-túni kezekshilik uıymdastyryldy. Jol tósemderin shaıyp ketýden qorǵaý boıynsha 1000 qap qum qaptaldy.
Departament bastyǵynyń orynbasary S. Asaıynovtyń basshylyǵymen Sholaqsor aýylynda komandalyq-shtab jyljymaly kólik ornalasyp, jumys jasaýda.
Qazir ózen aǵynyn, sý deńgeıin baqylaıtyn kezekshilik beketteri jaǵdaıdy nazarda ustaýda.
Jalpy bıyl óńirde sý basý qaýpi bar 32 aýyl baqylaýǵa alynǵan. Bul 1 myń 33 jeke úıde turatyn 3 myń 729 adamnyń ómiri basty nazarda. Mamandar sý tasqyny kezinde turǵyndarǵa saqtyq sharalaryn saqtaýdy eskertýde.