Alǵashqy medısınalyq kómek qoljetimdiligin qamtamasyz etý úshin uıymdardy irilendirý júrgizilýde. Bul týraly Úkimet otyrysynda Densaýlyq saqtaý mınıstri Eljan Birtanov aıtty.
«Sońǵy 2 jylda 214 jańa obekt paıdalanýǵa berildi, onyń 31% paıyzy jeke ınvestısııa qarajatynan salyndy. Alǵashqy medısınalyq kómek ǵımarattarynyń tozý deńgeıi 9 óńirde respýblıkalyq kórsetkishten joǵary (54,3%) jáne birqatar óńirde medısınalyq tehnıkamen qamtý deńgeıi tómen» dedi ol.
Sondaı-aq mınıstr 846 aýyldyq eldi mekende medısınalyq obekttiń joq ekenin atap ótti.
«Aqmola oblysynda ǵımarattardyń tozý deńgeıi 80% paıyzdan joǵary bolǵanymen, sońǵy eki jylda tek 3 jańa obekt iske qosyldy; Shyǵys Qazaqstan oblysynda tozý deńgeıi 70%-dan joǵary bolǵanymen tek qana 1 jańa obekt salyndy» dedi E.Birtanov.