«2018 jyldyń qorytyndysy boıynsha kompıýterlik tehnıkamen jabdyqtaý 95% qurady, qalalar men aýdan ortalyqtarynda ınternet jelisi men medısınalyq aqparattyq júıeni engizý 100%-dy qurady», deıdi mınıstr E. Birtanov.
Mınıstrdiń aıtýynsha, aýdandyq deńgeıden tómen eldi mekenderdiń densaýlyq saqtaý obektilerinde ınternet joq. Mysaly, Qaraǵandy (32%), Soltústik Qazaqstan (33%), Túrkistan (35%) jáne Shyǵys Qazaqstan (35%) oblystarynda ınternetpen qamtý 40%-dan tómen.
«О́kinishke oraı, kóptegen óńirlerde aýyldyq densaýlyq saqtaý obektilerin sıfrlandyrý jetkiliksiz, formaldi túrde júrgizilýde. Elbasynyń tapsyrmasyn ýaqtyly oryndaý maqsatynda aǵymdaǵy jyldyń sońyna deıin barlyq densaýlyq saqtaý obektilerinde jumysty qaǵazsyz formatta júrgizýge nazar aýdarýlarańyzdy suraımyn», dedi Densaýlyq saqtaý mınıstri Eljan Birtanov.