Megapolıste 2016 jyldan bastap qoǵamdyq kólikterdi keshendi reformalaý isi júıeli júzege asyp keledi. Jaıaý júrginshiler aýmaǵy artyp, velosıped joldary jelisi ulǵaıtylǵan. Sondaı-aq, kúre joldardaǵy kólik jyldamdyǵy tómendetildi.
Naqty sharalardyń arqasynda JKO kezinde adam óliminiń sany az da bolsa azaıǵan, alaıda jol qazasy statıstıkasy áli de joǵary. Máselen, 2018 jyly qala joldarynda 133 adam qaza taýyp, 5200 adam túrli jaraqat alǵan.
Almaty ákimi Baýyrjan Baıbek qalalyq Mobıldilik basqarmasyna úzdik álemdik praktıkany eskere otyryp, joldarda adam qazasy men jaraqat alýdy azaıtýǵa baǵyttalǵan jospar jasaýdy tapsyrǵan edi. Saraptama kórsetkendeı, jol apattary negizinen tórt jáne odan da kóp jolaqty kúre joldarda jáne jol qozǵalysy kezinde oqys qımyl jasaýǵa múmkindik bermeıtin eldi mekenderde oryn alatyndyǵy anyqtalǵan.
Mamandar jaıaý júrginshilerdiń qatysy bar jol-kólik oqıǵalary kóbinese juma kúni, saǵat 10.00-den 20.00-ge deıingi aralyqta jıi bolatyndyǵyn aıtady. Vision Zeronyń jahandyq konsepsııasyna oraı jaıaý júrginshi jol-kólik oqıǵasyna qatysýshy. Bul qala turǵyndary úshin jeke avtokólikterden kóri túrli qoǵamdyq kólikterdiń qyzmetin paıdalaný tıimdi ekenin kórsetedi.
Zertteý kórsetkendeı, qoǵamdyq kólik damyǵan aýdandardyń turǵyndary avtomobıldengen ortadaǵy adamdarǵa qaraǵanda jol-kólik apatyna bes ese az túsedi eken. BRT, LRT jelilerin keńeıtý jáne metro JKO qysqartýdyń negizgi tutqalary bolyp tabylady. «Vision Zero Almaty» is-qımyl josparynda joldardyń, kóshelerdiń, túrli belgilerdiń ózgerýi jáne «Qaýipsiz qala», «Qaýipsiz kóshe», «Qaýipsiz jyldamdyq», «Qaýipsiz qoǵamdyq kólik», «Jol qozǵalysyn baqylaýdyń ıntellektýaldy júıesi», «Barlyq qyzmetterdi úılestirý» jáne basqa qadamdar kórinis tapqan.
«Bul qadamdar arqyly JKO jıi bolatyn ýchaskelerge zertteý júrgiziledi jáne problemaly burylystarda jol qozǵalysy ózgertiledi. Joldardy aǵymdaǵy ózgertý qyltalardy, bekettik, trotýarlyq jáne qoldan jasalǵan kedir-budyrlardy, bollardtarty tegisteý esebinen atqarylady. Sonymen qatar, kózge keri áser etetin vızýaldy elementter sany azaıady. Bekitilgen is-qımyl jospary negizinde jańa ádisterdi engizýdiń arqasynda jaıaý júrginshiniń qaýipsizdigi artady, jaıaý júrginshilerge arnalǵan ótpeli joldarǵa dıodty jaryq shamdary, al adamdar kóp jınalatyn ótpeli jerlerge knopkaly baǵdarshamdar ornatylady, baǵdarshamdarǵa jasyl fazany erte kórsetetin qosymsha bekitiledi», – dep habarlaıdy qala ákimdiginiń baspasóz qyzmeti.
ALMATY