Beısenbi, 2 aqpan 2012 7:25
“Batys Eýropa – Batys Qytaı” avtomagıstrali Qazaqstan úshin orasan paıdasy bar ǵasyrlyq joba bolǵanymen, keıbir pysyqaılardyń eki jep bıge shyǵýyna jaraıtyn maıly súbe bolyp tur. Talaılar jol shetindegi ıtarqasyn altyn kirpishten salǵandaı buldap, bıtin bir tógip qaldy. Onysy jón-aý, biraq, jol shetinen qıys jatsa da aqshanyń ıisine shydaı almaı jalǵan kelisim-shart túzip, aıaq astynan oljaly bolyp jatqandar da bar. Oblys prokýratýrasy avtomagıstralǵa qatysty jerlerdi satyp alý men bólý zańdylyǵyna tekserý júrgizip keledi. Sonyń nátıjesinde qısynǵa kelmeıtin kelisimder, qoldy bolǵan memleket qarjylary sý betine qalqyp shyǵa bastady.
Beısenbi, 2 aqpan 2012 7:25
“Batys Eýropa – Batys Qytaı” avtomagıstrali Qazaqstan úshin orasan paıdasy bar ǵasyrlyq joba bolǵanymen, keıbir pysyqaılardyń eki jep bıge shyǵýyna jaraıtyn maıly súbe bolyp tur. Talaılar jol shetindegi ıtarqasyn altyn kirpishten salǵandaı buldap, bıtin bir tógip qaldy. Onysy jón-aý, biraq, jol shetinen qıys jatsa da aqshanyń ıisine shydaı almaı jalǵan kelisim-shart túzip, aıaq astynan oljaly bolyp jatqandar da bar. Oblys prokýratýrasy avtomagıstralǵa qatysty jerlerdi satyp alý men bólý zańdylyǵyna tekserý júrgizip keledi. Sonyń nátıjesinde qısynǵa kelmeıtin kelisimder, qoldy bolǵan memleket qarjylary sý betine qalqyp shyǵa bastady.
Tekserý barysynda «Munaı Investment grýpp» AQ-tyń menshigindegi 0,10 ga jer telimi avtomobıl jol qurylysynyń ústine túspeıtin bolsa da negizsiz QR Avtomobıl joldary komıtetiniń OQO departamentimen kelisim-shart túzilip, 12 622 000 teńge tólengeni anyqtalǵan.Sonymen qatar, tekserý barysynda azamat O.Áýelbekovke de «Batys Eýropa – Batys Qytaı» halyqaralyq tranzıttik dáliziniń avtomobıl jol qurylysynyń ústinen túspegen jer ýchaskesi úshin 1 172 000 teńge kelisim-shart túzilip, ótemaqy aýdarylyp berilgeni kórinip qaldy. Anyqtalǵan zań buzýshylyqtar boıynsha memleket qarjysyn qaıtarý maqsatynda Túrkistan qalalyq soty men OQO aýdanaralyq mamandandyrylǵan ekonomıkalyq sotyna talap-aryzdar berilgen bolatyn. Túrkistan qalalyq sotynyń sheshimimen qala prokýratýrasynyń azamat O.Áýelbekovten memleket paıdasyna 1 172 000 teńgeni óndirý týraly talap-aryzy tolyǵymen qanaǵattandyryldy.Al OQO aýdanaralyq mamandandyrylǵan ekonomıkalyq sotynyń sheshimimen Túrkistan qalasy prokýrorynyń talap- aryzy ishinara qanaǵattandyrylyp, Qazaqstan Respýblıkasy Kólik jáne kommýnıkasııa mınıstrligi avtomobıl joldary komıtetiniń OQO departamenti men «Munaı Investment grýpp» AQ arasyndaǵy 14.10.2009j. №1 sandy 0,10 ga jer ýchaskesi men janar-jaǵarmaı quıý ǵımaraty úshin ótemaqy tóleý týraly túzilgen kelisim-shart jaramsyz dep buzyldy. «Munaı Investment grýpp» AQ-tan memleket paıdasyna 12 622 000 teńge óndirilip, talap-aryzdyń «Tabys-Osenka» JShS-niń «Munaı Investment grýpp» AQ-tyń menshiginde bolǵan janar-jaǵar- maı quıý beketiniń qunyn baǵalaý týraly esebi jaramsyz dep tanyldy. Árıne, barmaq basty, kóz qystymen qyrtysty súbeden molyraq asaǵan “Munaı Investment grýpp” AQ sot sheshimine narazy bolyp, apellıasııalyq shaǵym túsirgen. Degenderi bolmady. Oblystyq sottyń apellıasııalyq sot alqasy sot sheshimin ózgerissiz qaldyryp, ol kúshine endi.Osylaısha, memleket qarjysyn Qarynbaıdyń malyndaı kórip, ońaıdan olja tappaq bolǵandardyń oılaǵany júzege aspaı qaldy.Baqtııar TAIJAN.Ońtústik Qazaqstan oblysy.