Basketbol: Almatyda Qazaqstan kýbogy ótýde

Osy jarys qarsańynda «Almaty» klýbynyń dırektory Oleg Severgın: «Bul – Ulttyq lıganyń eń úzdik komandalarynyń basyn qosyp otyrǵan resmı jarys. El birinshiligine qatysatyn barlyq klýbtar osy dodada da dara shyǵýdy kózdeıdi. Iаǵnı, alańǵa shyqqan oıynshylardyń eshqaısy osaldyq tanytpaıdy. Taǵy bir aıta keterlik jaıt, osy jarysta tek qazaqstandyq oıynshylar ǵana óner kórsetýde. Legıonerlerdiń qatysýyna ruqsat joq. Sondyqtan da Qazaqstan kýbogynda barlyq komandalardyń múmkindigi birdeı», – dep aıtqan edi.

Alǵashqy kúni qos kezdesýdi tamashaladyq. Ásirese, «Tobyl» men «Astana» arasyndaǵy báseke óte shıelenisti ótti. Birde Nur-Sultannyń komandasy alǵa shyqsa, endi birde qostanaılyqtar qarqynyn kúsheıtti. Al matchtyń aıaqtalýyna eki mınýt qalǵanda tarazy basy teńeskenimen, sońǵy sátte elordalyq basketbolshylar qarsylasynyń ýysynan jeńisti julyp áketti. Esep – 83:82.

Kelesi básekede «Sınegore» men «Almaty legıony» klýbtary sheberlik baıqasty. Birinshi kezeńniń basynda almatylyqtar alǵa shyqqanymen, odan keıin kókshetaýlyqtardyń mysy basym boldy. Nátıjesinde osy oıyn 73:50 esebimen qonaqtar paıdasyna sheshildi.

Búgin biz «Atyraý barysy» men  «Astana» jáne Almaty legıony men  «Tobol» arasyndaǵy básekelerdi tamashalaımyz.