Senbi, 3 naýryz 2012 7:15
Elimizdegi memlekettik organdar sııaqty ashyqtyq, jarııalylyq saıasatyn ustanyp, ony basty qaǵıdaǵa aınaldyryp otyrǵan sot júıesiniń jumysy, sot reformasy, bul saladaǵy búgingi ahýaldy shynaıy turǵyda baıandaý, sarapqa salý buqaralyq aqparat quraldarynda qalaı kórinis tabýda? Qarapaıym halyq pen sot, ózge de quqyq qorǵaý organdary arasyn jalǵastyrýǵa yqpal etý tetigi bolyp tabylatyn BAQ ókilderiniń quqyqtyq saýattylyǵy, kásibı biliktiligi jáne bul baǵyttaǵy jaýapkershiligi talap deńgeıinde me álde bolmasa kemshilikter de kezdese me?!
Senbi, 3 naýryz 2012 7:15
Elimizdegi memlekettik organdar sııaqty ashyqtyq, jarııalylyq saıasatyn ustanyp, ony basty qaǵıdaǵa aınaldyryp otyrǵan sot júıesiniń jumysy, sot reformasy, bul saladaǵy búgingi ahýaldy shynaıy turǵyda baıandaý, sarapqa salý buqaralyq aqparat quraldarynda qalaı kórinis tabýda? Qarapaıym halyq pen sot, ózge de quqyq qorǵaý organdary arasyn jalǵastyrýǵa yqpal etý tetigi bolyp tabylatyn BAQ ókilderiniń quqyqtyq saýattylyǵy, kásibı biliktiligi jáne bul baǵyttaǵy jaýapkershiligi talap deńgeıinde me álde bolmasa kemshilikter de kezdese me?!
Búgingi tańdaǵy ózekti taqyrypqa aınalyp, kópshilikti tolǵandyryp otyrǵan bul máseleler tóńireginde Almatyda ál-Farabı atyndaǵy Qazaq ulttyq ýnıversıtetinde ótken «Quqyqtyq jýrnalıstıkanyń damý baǵyttary» atty kezdesýde keńinen áńgime qozǵaldy, bul májilistiń qonaǵy – QR Joǵarǵy Sotynyń Tóraǵasy Bektas Beknazarov boldy.
Jınalǵandar aldynda sóz alǵan Bas sýdıa «Halqymyzdyń nebir maıtalman perzentteriniń shyǵarmashylyq, azamattyq dástúrin jalǵastyryp, Qazaqstan táýelsizdiginiń tuǵyrly rýhanııatynyń bıik bolýyna shuraıly shyǵarmalarymen, ot oılarymen qyzmet etip júrgen jýrnalısterdiń eńbegi qashan da qurmetke laıyq» dep bastady. «Qarý-jaraqqa on dollar salǵannan baspasózge bir dollar salǵan anaǵurlym paıdaly. О́ıtkeni qarýdyń úni shyqpaýy da múmkin, al baspasóz bolsa tańerteńnen keshke deıin aýzyn jappaıdy» degen AQSh-tyń otyz jetinshi prezıdenti Rıchard Nıksonnyń sózinen úzindi keltirgen Bas sýdıa qoǵamdaǵy qandaı da bir oqıǵany shyndyqtan aýytqymaı, shynaıy túrde kórsetip, oǵan joǵary jaýapkershilikpen qaraý – eń basty paryz ári ózekti maqsat ekendigine de toqtaldy.
Bektas Beknazarov sonymen qatar, respýblıkadaǵy eń iri joba – Qazaqstan sot reporterleri gıldııasyn qurý isiniń qolǵa alynǵandyǵyn da málim etti. Mundaı ıgilikti is jóninde bastama kóterýshilerdiń arasynda QR Joǵarǵy soty, «Ádil sóz» sóz bostandyǵyn qorǵaý halyqaralyq qory men Qazaqstan Jýrnalıster odaǵy da bar. Munyń ózi sot jáne quqyqtyq jýrnalıstıkany – joǵary kásibı jáne etıkalyq standarttar negizinde odan ári damytýǵa, sonymen qosa, jýrnalıster men sýdıalar qoǵamdastyǵy, BAQ pen sot arasyndaǵy senimdilik qatynasty jáne sot bıliginiń táýelsizdigin, transparenttiligi men tıimdiligin nyǵaıtýǵa aıtarlyqtaı yqpal etpek.
Sala jetekshileriniń pikirinshe, respýblıkada quqyqtyq jýrnalıstıkany damytyp, ony odan ári jetildirýdiń joldary jetkilikti. «Quqyqtyq jýrnalıstıkanyń búgingi damý baǵyttary» atty jıynda sóz alǵan Sankt-Peterbýrg ýnıversıtetiniń professory Galına Melnık, Sankt-Peterbýrg «Krımonologtar» klýbynyń prezıdenti, «Krımonologııa» jýrnalynyń bas redaktory Dmıtrıı Shestakov BAQ ókilderiniń kásibı biliktiligin, izdenisin odan ári arttyrý búginniń de, keleshektiń de eń ózekti ári basty maqsaty bolýy tıis ekendigin ashyp aıtty.
«Joǵarǵy Sot Tóraǵasynyń bizdiń respýblıkadaǵy BAQ qyzmetkerleriniń áli de bolsa quqyqtyq saýattylyǵynyń joǵary deńgeıde emes» degen pikirin qoldaıtyndyǵyn aıta kelip, jýrnalıstıka fakýltetiniń dekany E.Alaýhanov quqyqtyq jýrnalıstıka salasyna arnaıy mamandar daıarlaý máselesi búgingi kúnde tek bizdiń elimizde ǵana emes, ózge memleketterde de ózekti bolyp otyr, osy sebepti jýrnalıstıka fakýlteti bul baǵytta júıeli jumystar atqarýdyń bastamashysy bolýda» degendi alǵa tartty.
Jýrnalısterdiń quqyqtyq saýattylyǵyn arttyrý maqsatynda BAQ basshylary men kásibı jýrnalısterdi shaqyryp, sheberlik synyptar ótkizýdiń árbir stýdentke bereri orasan zor. Osyǵan oraı, fakýltette «Qazaq gazetteri» JShS-nyń basshysy Jumabek Kenjalın, respýblıkalyq «Aıqyn» gazetiniń redaktory Nurtóre Júsip t.b. tanymal jýrnalıster kezdesýler ótkizýde. Qazirde jýrnalıstıka fakýltetine «Egemen Qazaqstan», «Halyq keńesi» gazetterinde uzaq jyldar quqyq taqyrybynda ónimdi eńbek etken tájirıbeli jýrnalıst Serik Jumabekuly oqytýshylyqqa shaqyryldy.
Kezinde «Egemen Qazaqstan» gazetinde uzaq jyldar qajyrlylyqpen eńbek etip, quqyq taqyrybyna ozyq oıly, tereń mazmundy maqalalar jazyp, ataǵy respýblıka oqyrmandaryna keń taraǵan daryndy jýrnalıst, marqum Nurı Mýftah – keıingilerge úlgi bolarlyq tulǵa.
«Qazaqstanda búgingi kúnge deıin jýrnalısterdiń kásibı biliktiligin arttyrý baǵytyndaǵy joǵary kýrstar múldem joq. Al, mundaı kýrstar BAQ qyzmetkerleriniń kásibı sheberligin jetildirýge kómekteser edi. Osy sebepti jýrnalıstıka fakýltetinde ýnıversıtet rektory Ǵ.Mutanovtyń qoldaýymen «BAQ mamandarynyń kásibı biliktiligin arttyrý jáne sertıfıkasııalaý ulttyq ortalyǵy» qurylýda, oǵan professor S.Qozybaev basshylyq jasamaq», – dedi E.Alaýhanov.
Elimizdegi quqyqtyq jýrnalıstıkanyń búgingi damý baǵyttaryna arnalǵan keleli jıyn birqatar qıyn da kúrdeli túıindi sheshýge kómektesti. Memleket basshysynyń qazaqstandyqtarǵa bıylǵy Joldaýynda atap aıtylǵan «Sýdıalar sot tóreligin tek zań men ar-ojdandy basshylyqqa ala otyryp, shyǵarýǵa tıis» degen talaby BAQ ókilderine de tikeleı qatysty. Sonymen, toqsan aýyz sózdiń tobyqtaı túıini – quqyqtyq saýatty, ári mazmuny tereń, qoǵamdyq mańyzdylyǵy joǵary qundy dúnıeler ǵana oqyrman júregine jol tappaq. Kópshilik túıini osy.
Baqyt BALǴARINA.