Elimizdiń Premer-mınıstriniń orynbasary Gúlshara Ábdiqalyqova men Eńbek jáne halyqty áleýmettik qorǵaý mınıstri Berdibek Saparbaev oblys ortalyǵyndaǵy oblys ortalyǵyndaǵy Sıfrlyq qyzmetter ortalyǵy men №3 Halyqqa qyzmet kórsetý ortalyǵyn aralap kórdi.
Osy jerde «Azamattarǵa arnalǵan úkimet» memlekettik korporasııasy oblystyq fılıal dırektory F. Álimovtyń aıtýynsha, óńirde tolyq avtomattandyrylǵan jańa formattaǵy bir ortalyq jáne operator mamansyz 17 front-ofıs jumys jasaıdy.
Ortalyq kúnine 1200 turǵynǵa qyzmet kórsetedi.
О́tken jyly ortalyqtarda jalpy «Biriktirilgen aqparattyq júıe» arqyly 444 myń turǵynǵa jáne ózine-ózi qyzmet kórsetý buryshy arqyly 130 myńǵa jýyq memlekettik qyzmet kórsetildi.
Gúlshara Ábdiqalyqova men Berdibek Saparbaevqa«Azamattarǵa arnalǵan úkimet» memkorporasııasy fılıalyndaǵy ataýly áleýmettik kómektiń taǵaıyndalýyna qatysty keńesterdiń berilý reti tanystyryldy.
Al, oblystyq «Halyqty jumyspen qamtý jáne áleýmettik baǵdarlamalar» basqarmasynyń mamandary ataýly áleýmettik kómekti esepteýdiń jańa formatyna oraı oblys ortalyǵyndaǵy úsh halyqqa qyzmet kórsetý ortalyǵynda qyzmet kórsetýde.
Olar turǵyndardyń suraqtaryna sol jerden birden jaýap beredi. Ortalyqta Gúlshara Ábdihalyqova kóp balaly otbasylar men az qamatamasyz etilgen otbasylardyń jaǵdaıyna qalaı kómek jasalyp jatqanyn surap bildi.
- Bizde ataýly áleýmettik kómek alýshylardyń ótinishiterin qabyldaıtyn bólim jumys jasaıdy. Sáýirden bastap 1522 ótinishi berdi, - mamandar vıse-mınıstrge. – Jyl basynan beri 2900 turǵyn tirkelgen.
PAVLODAR
Sýretti túsirgen Valerıı Býgaev