Jergilikti bıýdjet esebinen 50 otbasy jáne qalǵan 100 otbasy qor esebinen úıli bolady.
Baspananyń 1 sh.m. quny 70 myń teńgeni quraıdy jáne turǵyn úı qurylysy 1 qyrkúıekke deıin aıaqtalady dep josparlanýda. Bolat О́temuratov qory tarapynan turǵyn úılerdi salý boıynsha «Balameken» jobasynyń júzege asyrylýyna 450 mıllıon teńge bólindi.
О́z tarapynan ákimdik osy ýaqytqa deıin barlyq ınjenerlik ınfraqurylymdar - elektr, gaz, sý, telefon baılanysy men avtojoldar qurylysyn aıaqtaýǵa, sondaı – aq, árbir úıge 6 sotyq jer telimin bólýge kepildik beredi.
Atalmysh memorandýmǵa Premer-Mınıstr Asqar Mamınniń tóraǵalyǵymen ótken keńeste qol qoıyldy.
Premer - Mınıstr Asqar Mamın Úkimet úıinde Qazaqstan Respýblıkasynyń Tuńǵysh Prezıdenti-Elbasy Nursultan Nazarbaevtyń kóp balaly jáne tolyq emes, otbasy, múmkindigi shekteýli bala tárbıelep otyrǵan otbasylar úshin turǵyn úıdiń qoljetimdiligin arttyrý týraly tapsyrmalaryn oryndaý máseleleri boıynsha keńes ótkizdi.
Keńes barysynda Qyzylorda oblysy halqynyń áleýmettik osal tobynyń turǵyn úı máselesin sheshýdegi tájirıbesi erekshe atalyp ótildi. QR Úkimeti basshysy Qyzylorda oblysynyń oń tájirıbesin basqa da aımaqtarǵa engizýdi tapsyryp, bıznes ókilderin áleýmettik álsiz toptaǵy otbasylarǵa áleýmettik qoldaý kórsetý jónindegi jobalardy júzege asyrýǵa úles qosýǵa shaqyrdy.