О́zderińiz biletindeı, 9 sáýirde QR Prezıdenti Qasym-Jomart Toqaev Qazaqstan halqyna úndeý jasap, Prezıdenttiń kezekten tys saılaýyn ótkizý týraly sheshimin jarııalady. Elimiz úshin asa mańyzdy saıası oqıǵany jas kóshbasshylar tarıhı sheshim retinde qarastyryp otyr.
Osyǵan oraı sóz sóılegen Parlament depýtaty, Qoǵamdyq keńes tóraǵasy Bahtııar Máken saılaýdyń artyqshylyqtaryna toqtaldy.
«О́zderińizge málim, jýyrda ǵana Elbasy N.Nazarbaev Prezıdenttik ókiletin Senat spıkerine tabystady, kóp uzamaı jańa el Prezıdenti, Qasym-Jomart Kemeluly kezekten tys saılaý ótetinin jarııalady. Osy arqyly bıliktiń aýysýyndaǵy sabaqtastyq saqtalyp, belgisizdik jaǵdaıy joıylmaq. Osynyń bári qoǵamda ornyqtylyqty, elde kelisimdi saqtaý úshin, áleýmettik-ekonomıkalyq damý mindetterin sheshý úshin asa qajet qadam», - dedi Bahtııar Máken.
О́z sózinde «Jas Otan» JQ tóraǵasy Danııar Súndetbaev:
«Jastar saıasaty úshin de bul sheshimniń orny aıryqsha. О́ıtkeni, jas býyn, jas urpaq ózin elinniń tolyqqandy azamaty retinde sezinip, óz konstıtýsııalyq quqyǵyn qoldana alady. Al bıliktiń aýysýyndaǵy sabaqtastyq, qoǵamdyq ornyqtylyq ár salalardaǵy reformalardy aıaǵyna deıin jetkizýge, iri jobalardy júzege asyrýǵa jol ashady.