Komıssııa jumysy qyza tústi

Qaýlylardyń jobasy bo­ıynsha Ortalyq saılaý komıs­sııasynyń múshesi Záýresh Baı­moldına baıandady. Konstı­týsııanyń 33-baby 2 jáne 3-tar­maq­tarynda: «Respýblıka aza­mat­tarynyń memlekettik organdar men jergilikti ózin ózi basqarý organdaryn saılaýǵa jáne olarǵa saılanýǵa, sondaı-aq respýblıkalyq referendýmǵa qatysýǵa quqyǵy bar. Sottyń áreketke qabiletsiz dep tanyǵan, sondaı-aq sot úkimi boıynsha bas bostandyǵynan aıyrý oryndarynda otyrǵan azamattardyń saılanýǵa quqyǵy joq» delingen. Al 41-baptyń 2-tarmaǵynda jasy qyryqtan kishi emes, memlekettik tildi erkin meńgergen, sońǵy on bes jylda Qazaqstanda tura­t­yn, jáne joǵary bilimi bar res­­pýb­lıkada týǵan azamattar saı­lana alady. Sonymen bir­ge konstıtýsııalyq zańdar respýb­lıka Prezıdenttigine kandıdat­tarǵa qosymsha talaptar qoıýy múmkin.

«Qazaqstan Respýblıkasyn­daǵy saılaý týraly» konstı­tý­sııa­lyq zańnyń 4-babynyń 4-tarmaǵyna sáıkes sotty­ly­ǵy bar nemese ol joıylmaǵan ne bolmasa zańda kórsetilgen tártippen alynbaǵan tulǵalar prezıdenttikke kandıdat bola almaıtyndyǵy kórsetilgen. Sondaı-aq sybaılas jemqor­lyq­qa qatysty qylmys jasaǵan jáne osy qylmyspen quqyq buzǵandyǵy sotpen tanylǵan tulǵalar da kandıdat bola almaıdy. 54-baptyń 1-tarmaǵy Pre­zıdent bolyp saılaný úshin aza­mat memlekettik qyzmette ne­mese saılanbaly mem­leket­tik laýazymdarda 5 jyl­dan kem emes tájirıbesi bolýy kerek­tigin talap etedi. Osy bap­tyń 2-tarmaǵynda úmit­ker res­pýblıkalyq qoǵam­dyq uıym otyrysynyń sheshimi­men kandıdattyqqa usynyla­tyn­dyǵy jónindegi hattamanyń kóshirmesin, óziniń ótinishin jáne saılaý jarnasyn tólegendigi jóninde qujattar tapsyrǵannan keıin onyń prezıdenttikke kandıdat bolýǵa sáıkestigin Kons­tıtýsııaǵa jáne osy konstı­tý­sııa­lyq zańdarǵa súıenip, Or­ta­lyq saılaý komıssııasy bes kúnde anyqtaıdy. О́tinishke arnaıy formada toltyrylǵan bıo­grafııalyq derekteri, memle­kettik qyzmette nemese saılanbaly memlekettik laýazymdarda istegeni týraly aqparattar qosa beriledi.

Prezıdenttikke kandıdat bol­ǵan úmitker Ortalyq saılaý komıssııasynyń esepshotyna zańmen bekitilgen eń tómengi eńbekaqynyń 50 ret eselengen kóleminde saılaý jarnasyn salady. Osy qujattardyń bári tolyq bolǵanda ǵana OSK ony qaraýǵa alyp, ýákiletti organ­darǵa qujattardaǵy derek­ter­diń rastyǵyn tekserýge jedel jiberedi.

Ýákiletti organdardan tıisti málimetter kelip túskennen keıin Ortalyq saılaý komıssııasy Qazaqstan Respýblıkasynyń Prezıdenttigine kandıdattyń Qazaqstan Respýblıkasynyń Kons­­tıtýsııasynda jáne «Qazaq­­stan Respýblıkasyndaǵy saılaý týraly» Qazaqstan Respýb­lıkasynyń konstıtýsııalyq zańynda qoıylatyn talaptarǵa sáıkestigin belgileý týraly hat­tama jasaıdy. Osy hattamada Ortalyq saılaý komıssııasy kandıdattyń zań talaptaryna sáıkestigin nemese sáıkes emestigin, onyń ishin­de lıngvıstıkalyq komıssııa­nyń qorytyndysy negizinde memle­kettik tildi bilýin belgileıdi. Kandı­dattyń memlekettik tildi erkin meńgergendigin anyq­taý rásimi Ortalyq saılaý ko­mı­ssııasynyń qaýlysymen aıqyndalady.

Osydan ári baıandamashy Qazaqstan Respýblıkasy Prezı­dentiniń kezekten tys saılaýynda shet memleketter, halyqaralyq uıymdar baıqaýshylarynyń, sheteldik buqaralyq aqparat quraldary ókilderiniń qyzmetin uıymdas­tyrý týraly aıtyp berdi. О́t­ken jyly Saılaý týraly kons­tıtýsııalyq zańǵa shet memleket­ter men halyqaralyq uıym­dardyń baıqaýshylaryna aýdarmashy birge júrýge quqy­lyǵy týraly jańa norma engi­zildi. Shet memleketter jáne halyq­aralyq uıymdar baı­qaý­shylary Qazaqstan Respýblıkasy Syrtqy ister mınıstrliginiń usy­nymy boıynsha OSK-de ak­kre­dıtteledi. Olar akkredıtteý tý­ra­ly kýálik bolǵan jaǵdaıda ǵa­na saılaýǵa baıqaý jasaı alady.

Sonymen birge 10 sáýir kúni Qazaqstan Respýblıkasy Prezı­denti kezekten tys saılaýynyń Kúntizbelik jospary jasalǵany aıtyldy. Oǵan sáıkes akkredıtasııadan ótý daýys berýge bes kún qal­ǵanda, ıaǵnı 2019 jyldyń 4 maý­symynda jergilikti ýaqyt bo­ıynsha 18.00 saǵatta aıaqtalady.

Keńeıtilgen otyrys qory­tyndysy boıynsha OSK múshe­leri jýrnalıstermen baspasóz más­lıhatyn ótkizip, BAQ ókil­deri­niń suraqtaryna jaýap berdi.