Qasym-Jomart Toqaev «Astana» halyqaralyq qarjy ortalyǵynyń qurylýy «100 naqty qadam» Ult josparynyń bir bóligi ekenin atap ótip, júktelgen mindetterdi tıimdi oryndaý qajettigin aıtty.
Qaırat Kelimbetovtiń aqparaty boıynsha Ortalyqta barlyq qajetti ınfraqurylym, sonyń ishinde «Astana» halyqaralyq qarjy ortalyǵynyń soty, Halyqaralyq arbıtraj ortalyǵy, qarjylyq qyzmetterdi retteý jónindegi jáne halyqaralyq bırja komıteti ornalasqan. Taraptardyń álemniń kez kelgen núktesinen «Astana» halyqaralyq qarjy ortalyǵynyń soty men Halyqaralyq arbıtraj ortalyǵyna elektrondy túrde talap aryz berýine múmkindik týǵyzatyn Ejustice – onlaın-portalyn iske qosý josparlanýda.
Sonymen qatar, Qazaqstan Prezıdentine elimizde ınvestısııalyq ahýaldy jaqsartý úshin jasalǵan jaǵdaıdyń arqasynda Qazaqstannyń qarjy ortalyǵy GFCI qarjy ortalyqtarynyń jahandyq ındeksińde ártúrli 102 halyqaralyq ortalyqtyń ishinde 51-orynǵa kóterilgeni týraly aqparat berildi.
Sońynda Memleket basshysy «Astana» halyqaralyq qarjy ortalyǵyn odan ári damytyp, ilgeriletý úshin birqatar naqty tapsyrma berdi.