27 sáýir kúni sý dobynan áıelder komandalary arasynda Reseı kýboginiń fınaldyq kezeńi bastalady. Atalǵan synǵa qatysý úshin Qazaqstan komandasy 21 sáýir kúni Reseıge ushyp ketedi dep habarlaıdy Olympic.kz.
Bul týraly quramanyń bas bapkeri Alan Balfanbaev málimdedi.
«Qazirgi tańda komanda músheleri Taraz qalasynda oqý-jattyǵý jıynyn ótkizýde. 21 sáýir kúni daıyndyqtyń sońǵy kezeńin ótkizý úshin Zlatoýstqa ushyp ketemiz. Reseı kýbogi aıaqtalǵan soń, elge oralyp, jattyǵýdy jalǵastyramyz. Maýsynyń 15-30 aralyǵynda Reseı ulttyq quramasymen birlesken jıyn ótkizýdi josparlap otyrmyz. 2020 jyldyń aqpan aıynda olımpıada oıyndaryna aımaqtyq irikteý týrnıri bizdiń elimizde ótedi. Sol synda lısenzııaǵa talasatyn bolamyz», - dedi Balfanbaev.
Eske sala keteıik, sý dobynan Reseı kýbogin úzdik segiz komanda sarapqa salady. Sondaı-aq, sý dobynan áıelder quramasy 12-28 shilde kúnderi Kvandjýda ótetin álem chempıonatyna qatysady.