Synaqtyń synalar sáti

Seısenbi, 13 qarasha 2012 7:59

Quqyq qorǵaý organdary qyzmetiniń tıimdiligin arttyryp, sapasyn jaqsartý maqsatynda qolǵa alynǵan attes­tattaý da aıaqtalýǵa taıady. Endi jurtshylyqty el bolyp ótkizip jatqan synaqtyń nátıjeleri qandaı bola­tyn­dy­ǵy alańdatyp otyrǵany sózsiz. О́ıtkeni, attestattaý maq­sa­ty polısııa qataryna adal adamdardy ǵana toptastyrý bolǵany málim. Al laıyqsyzdardy ǵana laqtyryp, jaq­sy­lardy jarqyrata jaryqqa shyǵaryp jatyrmyz degen attestattaý komıssııalarynyń jumysy, ázirge, shań juq­ty­rar emes.

Seısenbi, 13 qarasha 2012 7:59

Quqyq qorǵaý organdary qyzmetiniń tıimdiligin arttyryp, sapasyn jaqsartý maqsatynda qolǵa alynǵan attes­tattaý da aıaqtalýǵa taıady. Endi jurtshylyqty el bolyp ótkizip jatqan synaqtyń nátıjeleri qandaı bola­tyn­dy­ǵy alańdatyp otyrǵany sózsiz. О́ıtkeni, attestattaý maq­sa­ty polısııa qataryna adal adamdardy ǵana toptastyrý bolǵany málim. Al laıyqsyzdardy ǵana laqtyryp, jaq­sy­lardy jarqyrata jaryqqa shyǵaryp jatyrmyz degen attestattaý komıssııalarynyń jumysy, ázirge, shań juq­ty­rar emes. Jalpy, qaı saladaǵy quqyq qorǵaý organynyń bas­shylyǵyna qulaq qoımaıyq, attestattaý oıdaǵydaı ótti deıdi. Olardyń sózine qaraǵanda, qyzmetten shy­ǵa­rylǵan nemese laýazymy tómendetilgen, ne basqa qyzmetke aýystyrylǵandar tıisti synaq talaptaryna sáıkes kelmegender ǵana bolyp tabylady. Biraq, aralarynda komıssııa sheshimimen kelispeı aryzdanyp jatqandary da barshylyq ekenin áste jasyrýǵa bolmas.

Sondyqtan da attestattaýdyń qorytyndysyna sáıkes aldaǵy ýaqytta quqyq qorǵaý qyzmet­ker­leriniń is-áreketinen kórine­tin nátıje sharanyń qalaı ót­ken­digin áli ashyp, aıdaı álemge pash etedi. Demek synaqtyń syny alda. Al ázirge osy úlken jaýapkershilik turǵysynan tabylý maq­satynda attestattaý barynsha adal ótkizilýge tıis deımiz. Ol úshin memleket basa nazar aýda­ryp otyrǵan synaq zań talap­ta­ryna sáıkes júrgizilýi kerek. Endeshe, osy talaptar aımaqtarda qalaı júzege asyp jatqandyǵyn bilý úshin tıisti oryndarmen de habarlasqanbyz. Soǵan oraı bul týraly, máselen, Soltústik Qa­zaq­stan oblysy IID bastyǵy Murat Urumhanov birqatar shara­lardyń qolǵa alynyp jatqanyn jetkizdi. Ol «Áleýmettik-ekono­mıkalyq jańǵyrtý – Qazaqstan damýynyń basty baǵyty» atty halyqqa Joldaýynda Elbasy    N.Nazarbaev quqyq qorǵaý júıe­sin­degi kadrlyq jańartý máse­le­si­ne aıryqsha toqtalǵanyn aıtady.

Prezıdent «Qazaqstan Res­pýb­lıkasy quqyq qorǵaý organ­dary qyzmetkerlerin kezekten tys attestattaýdan ótkizý tý­ra­ly» Jarlyǵyna qol qoıdy. Atalǵan qujattyń túsiniktemesinde kezekten tys attestattaýdyń basty maq­saty men tapsyrmalary tý­raly aıtylǵan. Iаǵnı, qoǵam men bıznestiń qajettiligine jaýap bere alatyn, zaman talabyna saı quqyq qorǵaý júıesine kadrlar ózegin qalyptastyrý qajet. So­nymen qatar, teris qylyq­tary­men kózge túsken, memlekettik qyz­metke kezdeısoq kelgen laý­azymdy tulǵalardan tazarý, qu­qyq qorǵaý organdary qataryna kásibı biliktiligi joǵary, ar-namysy bar azamattardy suryp­tap, qoǵam tynyshtyǵyna jaýap­ty salanyń kadr saıasatyna sa­pa­ly oń ózgerister engizip, olarǵa degen halyqtyń senimin arttyrý. Kezekten tys attestattaý quqyq qorǵaý salasynda ótkizilip jat­qan reformanyń jalǵasy. Osy jumystyń tıimdiligin arttyrýǵa baǵyttalǵan biraz qadamdar ja­sal­dy: zańdarǵa ózgerister engizildi, árbir organnyń mindeti aıqyndaldy, buryndary kez kelgen organ júrgizetin ister bir júıege keltirildi, qylmystyq zańnama izgilendirildi, materıal­dyq-tehnıkalyq ahýal joǵary­la­dy. Jeke quramnyń sapaly ja­ńarýyna aımaqtyq attestattaý ko­mıssııasy nazar aýdaryp, qo­ry­tyndysyn da shyǵardy. Odan 2236 soltústikqazaqstandyq polısııa qyzmetkeri ótti, jeke quram birneshe kezeń boıynsha muqııat tekseristen ıaǵnı, dene shynyqtyrý, qyzmettik qarýdan atý, el zańdaryn meńgerý deń­geıin anyqtaýǵa arnalǵan test tap­syrýdan ótti. Osynyń bári­nen ótken soń baryp, polısııa qyz­metkeri komıssııa músheleri­men áńgimelesýge shaqyrtyldy. 2244 qyzmetkerdiń kásibı biliktiligi tekserildi. Olardyń 1968-i qyzmetine saı dep tanyldy, 18 tártip saqshysy joǵary laýa­zymǵa taǵaıyndaý úshin kadrlyq rezervke qoıyldy. Komıssııanyń alqaly sheshimi boıynsha 45 polıseı qyzmetinen tómendetildi, 38 qyzmetker laýazymyna saı emes dep tanylsa, 193 qyzmetker quqyq qorǵaý salasynan bo­sa­tyldy.

Árbir polısııa qyzmetkerine 3 aı buryn attestattaýdan óte­tini týraly eskertildi. Daı­yn­dalýǵa ýaqyt jetkilikti boldy, alaıda keıbir qyzmetkerler sy­naqtyń qanshalyqty jaýapty bo­latynyn durys baǵalamaı, ótetin sha­raǵa nemquraıly qarady. Sóıtip, birqatary barmaq tistedi. Sondyqtan polısııa qyzmetkeri azamattardyń quqyqtary men bostandyqtaryn saqtaýda jáne olardyń qaýipsizdigin qamtama­syz etýde jaýapkershilikti toly­ǵymen túsinýi qajet, deıdi, M.Urumhanov.

Al endi Jambyl oblystyq IID baspasóz qyzmetiniń málime­tine qaraǵanda, onda da ıaǵnı IID-de kadr múmkinshilikterin jań­ǵyr­tý máselesi boıynsha dóń­gelek ústel ótkizilgen. Is-shara IID bastyǵy, polısııa polkovnıgi Beket Aımaǵambetovtiń tóraǵa­lyq etýimen júrgizilgen. Jınal­ǵandar qazirgi tańda qoǵamnyń tártibi pen qaýipsizdigin saqtap, elimizdiń órkendeýine quqyq qorǵaý organy óz úlesin qosýda ekendigin, egemendigimizdiń 20 jyl ishinde Elbasynyń tapsyr­masymen polısııa qyzmetinde kóp tyndyrylǵanyn, sonda da bul sala zaman talabyna saı qaı­ta qurýdy talap etkendikten Ult kóshbasshysy Nursultan Nazarbaev osy máseleniń mańyzdy­ly­ǵyn óziniń bıylǵy Qazaqstan hal­qyna Joldaýynda kóterip, qu­qyq qorǵaý organdary qyzmet­kerlerin kezekten tys attestat­taý­dan ótkizý týraly Jarlyqqa qol qoıǵanyn atady.

Osyǵan oraı IID jeke quramy kezekten tys attestattaýdan 2 kezeń boıynsha ótken. Nátıje­sin­de qatysqandardan 521-i at­qa­ryp otyrǵan laýazymdaryna sáı­kes kelmeıdi dep tanylǵan, al 198-i ishki ister organdarynan shy­ǵarýǵa usynylǵan. Túrli sebeptermen attestattaýdan ótkisi kelmegen 118 qyzmetker de IIO-nan bosatylǵan.

Búginde jambyldyq polıseılerge nátıjeli jumys atqarý úshin barlyq jaǵdaılar jasalǵan kórinedi. Vedomstvonyń mate­rıal­dyq-tehnıkalyq bazasy ob­lys ákiminiń, máslıhat depýtat­ta­rynyń barynsha jáne únemi qoldaý kórsetýiniń arqasynda edáýir tolyqtyrylǵan. Polıseıler jańa tehnıkalarmen, kólik­ter­men, baılanys quraldary jáne kıim-keshektermen jabdyq­talǵan.

Qylmyspen kúresý úshin, tekserilgen eski ádistermen qosa, jańa aqparattyq tehnologııalar men jańa amaldar da belsendi qol­danylýda jáne bul jerde kadrlyq áleýet negiz bolyp ta­bylady, ıaǵnı joǵary bilimdi, saýatty, jańasha oılaıtyn qyz­met­kerler – bul búgingi kúnniń talaby. Dóńgelek ústel basynda aıtylǵan IID bastyǵynyń basta­masyn jınalǵandar bir aýyzdan qoldady. Kásiporyn basshylary joǵarǵy moraldi prınsıpti adamdardy, Ata Zańdy qurmet­teıtin, ómirde jáne qyzmette kezdesetin barlyq qıyndyqtar men kedergilerdi erlikpen jeńe biletin kásibı mamandardy usy­nyp, IID kadrlyq rezervterin toltyrýǵa ózderiniń daıar ekendikterin bildirdi.

Sóıtip, otyrysqa qatysý­shy­lar pikirimen elimizdiń qaýip­sizdigine eshkimniń de nemqu­raı­ly qaramaıtyndyǵy sezilip polısııa jeke quramyna sapaly jańartýlar engizip, olardyń qa­ta­ryna bilikti, adal qyzmet­ker­ler, halyqtyń zańdy múddesi men quqyqtaryn joǵary deńgeıde qorǵaı alatyn óz eliniń patrıot­ta­ryn qabyldaý kerek dep túıin túıdi. Mundaı is-qımyldar at­testattaýdyń sapaly ótetindigine senim artady.

Aleksandr TASBOLATOV,

«Egemen Qazaqstan».