Juma, 7 qyrkúıek 2012 7:42
Men buryn-sońdy gazetke maqala jazǵan jan emes edim. «Egemen Qazaqstannyń» 24 shildedegi sanynda jarııalanǵan «Adal joldyń azaby» degen maqaladaǵy Eleýsiz Shaǵyrbaıuly Aıtbaevtyń tálkekke túsken taǵdyry meni qatty tolǵandyrdy. «Adal joldyń azabyn» tartqan, sol ádildik úshin qýdalanǵan adam týraly óz oıymdy aıtýdy jón kórip, qolyma qalam aldym.
Juma, 7 qyrkúıek 2012 7:42
Men buryn-sońdy gazetke maqala jazǵan jan emes edim. «Egemen Qazaqstannyń» 24 shildedegi sanynda jarııalanǵan «Adal joldyń azaby» degen maqaladaǵy Eleýsiz Shaǵyrbaıuly Aıtbaevtyń tálkekke túsken taǵdyry meni qatty tolǵandyrdy. «Adal joldyń azabyn» tartqan, sol ádildik úshin qýdalanǵan adam týraly óz oıymdy aıtýdy jón kórip, qolyma qalam aldym.
Iá, zymyrap ótip bara jatqan ýaqyt! Eleýsiz de 60-qa kelip qalypty-aý. Men 73-ke, 6 múshel jastyń órine shyqtym. 1980- jyldary memlekettik mekemeler qyzmetkerleri kásipodaǵy oblystyq komıtetiniń tóraǵasy bolyp istep júrip, oblystyq partııa komıtetiniń tapsyrmasymen Maqtaaral aýdanyndaǵy «Krasnyı lých» kolhozyna barǵanymda, Eleýsizben tanysqan edim. Maqta teriminiń qyzý shaǵy. Ol kezde maqta terimine oblystyń ár aýdanynan adamdardy járdemge alyp keletin. Olarǵa jaǵdaı jasaý – jatyn oryn, azyq-túlikpen qamtamasyz etý máseleleri qatań eskeriletin.Bir sovhozda (ataýy esimde qalmapty) osy máselelerge kóńil bólmegen eken. Eleýsiz sovhoz dırektoryna: «Olar otbasyn, bala-shaǵalaryn, mal-jandaryn tastap, bizge kelip, járdem berip jatyr. Osy jaǵdaıdy oılap kórińizshi…», dep biraz renishin bildirgen edi. Dırektor qatty ábirjip, sóz taba almaı, kóp qınaldy. Sol kezde Eleýsiz sovhoz dırektoryna kómekke kelgen adamdarǵa nemquraıly qarap, túlki bulańǵa salyp, ártúrli sebepter aıtyp jaǵdaı jasamaý – olardyń adal eńbekterin baǵalamaý ekenin aıtqan edi. Erteńine dırektor Eleýsizge ózi kelip, synnan qorytyndy shyǵarǵanyn aıtqan. Bul – meniń ózim kýá bolǵan oqıǵa. Sonda: «Myna Eleýsiz naǵyz halyqtyń qamyn jegen azamat eken. Kóptiń qamyn oılaǵan kópke barar, kókke kóteriler…», dep oılaǵan edim.Shynynda, keıin satylap bıik laýazymdarǵa jetti. Respýblıka kóleminde jumys isteı bastady.Mine, «Egemennen» ol týraly maqalany oqyp otyrmyn. Adaldyqpen jumys isteımin dep azaptanypty. «…Burynǵy bastyǵynyń tusynda oıyna ne kelse sony istep, erkin júrýge úırenip qalǵan» departament qyzmetkerleri men onyń orynbasary E.Isenovke qatań talaptar qoıyp, tártipke shaqyrǵany úshin, jalǵan qujattar jasap, 34 azamatqa oblystyq kóshi-qon basqarmasynan 26 mln. teńgeden astam aqsha bólingenin anyqtaǵany, sapasyz jáne kúmándi qujattarǵa qol qoımaǵany úshin onyń adaldyqtyń aq jolymen júrýine qarsy adamdar ózderiniń zańdy buzyp, qıturqy, jymysqy áreketterge barǵandaryn jasyrmaq nıetpen Aıtbaevtyń sońyna sham alyp túsedi. Eńbek jáne halyqty áleýmettik qorǵaý mınıstrliginiń Kóshi-qon komıtetine aryzdy qarsha boratady. Al komıtet basshylyǵy barlyq jaǵdaıdan habardar bola otyryp, Aıtbaevtan oralmandardyń qujattaryn tekserýmen kóp aınalyspaı, eskertýlerdi kóbeıtpeı departament mamandardarynyń usynǵan qaǵazdaryna qol qoıa berýin suraıdy, burynǵy bastyqtyń olardyń aıtqanymen júrgenin úlgi etip maqtap, qarsy keletin bolsa, jumystan ketiretinderin aıtyp doq kórsetedi. Ne degen bassyzdyq?!Eleýsiz bir sózinde: «Men komıtet basshylary jemqorlarmen jeń ushynan jalǵasyp, qyrýar aqshany qaltalaryna basty degendi aıtqaly otyrǵan joqpyn…», – deıdi. О́zi kórmegen, ózi ustap almaǵan soń adamdarǵa aıanyshpen qaraıdy. Al, maǵan osy arada sybaılas jemqorlyqtyń qulaǵy qyltıyp turǵan sııaqty.Men osy maqalaǵa tıisti oryndar nazar aýdarar, kinásiz adamdy qorqytyp-úrkitip, shyrǵalańǵa salǵandardy tártipke shaqyrar dep oılap edim. Ázirshe ondaı nıet baıqalmaıdy. Gazet kótergen másele aıaqsyz qalmasa eken deımin. Kináliler jazalaryn alýǵa tıis.Aıtbaev jýrnalıske: «…Aqqa qudaı jaq, bári ornyna kelgeni ras, adal atym qymbat. Mundaı qııanat qaıtalanbaýy úshin, basqalar sabaq alsyn degen nıetpen qozǵap otyrmyn…», dese, jýrnalıst: «Nesi bar. Oryndy sóz. Men onymen kelistim», deıdi.Iá, men de olarmen kelistim. «Adal joldyń azabynan» qutylǵan Eleýsizge halqyna qyzmet etýde alǵan betińnen qaıtpaı, ádildiktiń aq jolymen alshań basyp júre ber!» – demekshimin.О́mirbek KERIMBEKULY.Shymkent.