SAIаSI ELITA ÚLKEN ÚMIT KÚTEDI

Memleket basshysynyń Jar­ly­ǵymen qurylǵan atalǵan komıs­sııa­nyń alǵashqy otyrysy byltyrǵy 9 qyr­kúıekte ótken bolatyn. Sol ýa­qyt­tan bastap elimizdiń tóraǵalyqqa qatysty jaýapty jumystary qar­qyndy túrde júzege asyrylyp ke­le­di. “Elbasy atap ótkendeı, EQYU-ǵa tóraǵalyq Qazaqstan mem­leketi úshin zor mańyzǵa ıe ult­tyq stra­tegııalyq joba bolyp sa­nalady. Bıylǵy jyldyń 14 qań­tarynda Venadaǵy Turaqty keńes oty­rysyndaǵy óziniń beınejol­daýyn­da Qazaqstan basshysy Nur­sultan Nazarbaev EQYU aldynda turǵan negizgi qaýip-qaterlerdi sı­pat­taı kele, olardyń aldyn alý jol­daryn jáne Qazaqstan tóraǵa­ly­ǵynyń mańyzdy basymdyqtaryn aı­qyndap berdi. Bul Uıym jaýap­kershiligi keńistigindegi qaýip-qa­ter­lerge taldaý jasaýda, eń aldymen Uıym ishindegi “qatynastar eko­logııasyn” qalpyna keltirýde elimizdiń kóshbasshy ekendigin dáleldedi”, dedi otyrysta sóılegen sózinde Q.Saýdabaev. Sondaı-aq, Memlekettik hatshy – Syrtqy ister mınıstri óz só­zin­de bul tóraǵalyqtyń memleketti­li­gimizdi nyǵaıtýǵa qyzmet etetindigin atap kórsetti. Bul rette EQYU al­dynda turǵan máseleler kúrdeli ári uzaq merzimdi sıpatqa ıe, sol sebepti Uıymnyń jańasha túrlenip, ózgeshe jandanýy úshin Qazaqstan tarapynan úlken jumystar atqa­rylýy tıis. Qazirgi tańda Astana osy úderistiń bastamasy retinde atal­ǵan ámbebap ınstıtýttyń ja­qyn bolashaqtaǵy evolıýsııalyq damýynyń negizin qalaýda. “Bul tur­ǵyda bizdiń seriktesterimiz Uıymdy búgingi kúnniń shyndyǵyna sáıkes beıimdeıtin jáne qaýip-qaterlerdiń aldyn alýǵa múmkindik beretin EQYU sammıtin ótkizý tý­raly Elbasy bastamasyn kókeı­kes­ti ári ýaqtyly qabyldanǵan sheshim retine baǵalaýda. Sol sebepti atal­ǵan sammıttiń ótkizilýi Qazaqstan­nyń halyqaralyq sahnadaǵy bede­lin eseleı túspek”, dedi Q.Saýda­baev. Memlekettik komıssııa oty­rysy kezinde Memlekettik hatshy – Syrtqy ister mınıstri atalǵan bas­tamanyń Uıymǵa múshe elder ta­rapynan qoldaýǵa ıe bolǵandyǵyn, qazirgi tańda bul úderis naqty túrde júzege asyryla bastaǵandyǵyn jetkizdi. Búginde ony ótkizý merzimi jóninde tıisti keńester júrýde. Máselen, bıylǵy jyldyń qańtar aıynda “Úshtik” formatynda EQYU men Eýropalyq Keńes ara­syn­daǵy konsýltasııalardyń birinshi kezeńi júzege asyrylyp, Eýropalyq Keńes prezıdenti H. van Rompemen, Eýropalyq Komıssııa tóraǵasy Joze Manýel Bar­rozý­men, Eýroodaqtyń Syrtqy ister jáne qaýipsizdik saıasaty jónindegi jo­ǵarǵy ókili K.Eshtonmen jáne Eýropalyq Parlament tóraǵasy E.Býzekpen arnaıy kezdesýler ótkizilgen. Bul rette aıryqsha atap óterligi – ol Qazaqstannyń tóraǵalyǵy kezinde Aýǵanstandaǵy kúrdeli má­se­lelerdiń kún tártibine engizil­gen­digi. Máselen, bıylǵy jyldyń qań­tar aıynyń sońynda Londonda uıymdastyrylǵan halyqaralyq konferensııaǵa da Aýǵanstan má­selesi ózek bolǵanyn aıtqan jón. EQYU Sammıtiniń kún tártibine de Aýǵanstan máselesiniń qoıylýy úlken qoldaý tabýda. Osyǵan oraı, Sammıtke deıingi daıyndyq má­se­lelerine Reseı, Ispanııa, Fransııa, Italııa, Túrkııa syndy memleket­ter atsalysyp, bıylǵy jyldyń maýsym aıynda naqty usynystar men bastamalar belgilenetin bas­tap­qy baıandamany ázirleý tóńi­re­ginde elshiler deńgeıinde kezdesý­ler uıymdastyryla bastaǵan. “Osy jyldyń jaz aıynda Almatyda óte­tin Syrtqy ister mınıstrleriniń beıresmı kezdesýinde sammıttiń kún tártibi men ótkizilý merzimin bekitý kózdelip otyr”, dedi Mem­lekettik hatshy – Syrtqy ister mınıstri. Osylaı deı kele, Qanat Saýdabaev Elbasy men elimizdiń uıymǵa tóraǵalyǵynan EQYU-ǵa múshe elderdiń saıası elıtasy men sarapshylar toby úlken úmit kútip otyrǵanyna toqtaldy. “Bul bizge aıryqsha jaýapkershilik, al memlekettik qurylymdarǵa júıeli jáne úılesimdi áreket etýdi júkteıdi”, dedi Q.Saýdabaev sózin qorytyndylaı kele. Budan keıin jumys toby jetekshileriniń esepteri tyńdaldy. Otyrys sońynda komıssııanyń jumysy qorytyndylanyp, arnaıy hattama qabyldandy. Onda tıisti memlekettik organdarǵa júktelgen naqty mindetter aıqyndalǵan.