JAMBYL – KÁSIPKERLIKKE QOLAILY AIMAQ BOLADY

Taraz qalasynda Jambyl oblysy ákimdiginiń uıymdastyrýy­men oblys kásipkerleriniń aımaq­tyq bıznes-forýmy ótti. Forým­nyń maqsaty – Elbasynyń bıylǵy Joldaýy sheńberinde kásipkerlikti damytý jónindegi baǵdarlamany júzege asyrýǵa uıytqy bolyp, atsalysý. Forýmǵa “Samuryq-Qazyna” ulttyq ál-aýqat qory” AQ, toqyma jáne jıhaz kásiporyndary, azyq-túlik jáne sút ónimderi kásiporyn­dary, maı jáne shujyq buıymda­ryn óndirýmen shuǵyldanatyn kásiporyndar, qurylys kompa­nııalary jáne Jambyl oblysyn­daǵy ekinshi deńgeıli bank fılıal­darynyń basshylary qatysty. Forým bastalmas buryn oǵan shaqyrylǵan basshylar men ká­sipkerler jergilikti taýar óndirý­shi­lerdiń kórmesimen tanysyp, bızneske qyzmet etetin ekinshi deń­geıli bankter men “Damý” kásip­kerlikti damytý qory fılıaldary “mobıldi keńseleriniń” qyzmet­kerleri usynǵan nesıe túrlerinen maǵlumattar aldy. Oblys kásipkerleriniń aımaq­tyq forýmyn ashqan oblys ákimi Qanat Bozymbaev Elbasynyń “Jańa onjyldyq – jańa eko­nomıkalyq órleý – Qazaqstannyń jańa múmkindikteri” atty bıylǵy Joldaýynda atap kórsetilgen tapsyrmalarǵa sáıkes oblys kásipkerlerin jańa múmkindikterdi tıimdi paıdalanýǵa shaqyrdy. – Aldaǵy ýaqytta kásipkerlikti damytýdyń birneshe negizgi baǵyttary bar. Ol – aımaqtaǵy ın­dýstrııalyq-ınnovasııalyq damý­dy údemeleý, ákimshilik kedergilerdi azaıtý, otandyq jáne sheteldik ınvestorlarmen ózara tıimdi jáne qolaıly usynys joldarymen ın­vestısııalyq ıgilikti ahýal jasaý, mıneraldy shıkizat resýrstaryn jáne adamı kapıtaldy paıdalana otyryp, qolda bar múmkindikter ne­gizinde oblys ekonomıkasyn da­my­tý baǵdarlamasyn júzege asyrý bolyp tabylady. Bul mindetterdi oryndaý jergilikti bılik pen bız­nes birlesip kúsh toptastyrǵan jaǵdaıda ǵana júzege asyrylady. Sondyqtan biz árqashanda bıznes­pen isker baılanys jasaýǵa daıynbyz jáne olardyń oblys ekonomıkasyn kóterýge yńǵaıly kez kelgen bastamasyn qoldaımyz, – dedi oblys ákimi. “Samuryq-Qazyna” qorynyń delegasııasy, atap aıtsaq, qordaǵy otandyq kásipkerlikti qoldaýmen aınalysatyn damý ınstıtýttary men kompanııalardyń ókilderi fo­rým kezinde kásipkerlikti qoldaý-daǵy qor toby usynyp otyrǵan múmkindiktermen tanystyrdy. Kásipkerlikti qoldaýdyń erekshe­likterin túsindirdi. “Samuryq-Qazyna” qoryna enetin “Qazaqstan Damý banki” AQ ortasha merzimdi jáne uzaq merzimdi nesıeleý boıynsha qosym­sha qarjylandyrý quraly retinde 5 mln. AQSh dollarynan bastap nesıe berse, al agroónerkásiptik saladaǵy jobalar úshin 20 mln. AQSh dollarynan bastap nesıe bere alady eken. Eksporttyq ope­rasııalardy qosymsha qarjylan­dyrý, ıaǵnı nesıeleý 1 mln. AQSh dollarynan bastalady. Qazir QDB-nyń qatysýymen 2 mlrd. AQSh dollary kólemindegi ınvestısııaǵa qazaqstandyq kompanııalardyń 62 jobasy júzege asyrylyp jatyr. Jambyl oblysynda 3 joba, ıaǵnı óndiristik kólemi 400 myń ton­na sement zaýytynyń qury­lysy, Taraz qalasynda jylyna 120 myń tonna metalloprokat (ar­matýra, shveller, t.b) shyǵaratyn zaýyt jáne jylyna qýattylyǵy 123 myń tonnalyq ónim shyǵarýǵa jetetin Taraz metallýrgııalyq zaýytynyń ferroqorytpa óndirisin keńeıtý jáne modernızasııalaý jobasy iske asyrylýda. QDB buǵan deıin Jambyl oblysynda “KEGOC” AQ-tyń Soltústik-Oń­tústik tranzıtiniń 500 kV. elektr taratý júıesiniń ekinshi bóliginiń qurylysyn salý boıynsha joba­syn júzege asyrǵan. Forým barysynda QDB-nyń enshiles kompanııasy “BRK-lı­zıng” AQ orta merzimdi jáne uzaq merzimdi lızıngtik operasııalardy 1 mln. AQSh dollarynan bastap qar­jylandyra alatyny da aı­tyldy. Al “Qazaqstannyń Investı­sııa­­lyq qory” jarǵylyq kapıtal arqyly jobalardy qarjylan­dyrǵan kezde úlesker retinde qaty­sýy múmkin, sondaı-aq jarǵylyq kapıtalyna qordyń qatysy bar kom­panııalarǵa nesıe beredi. “Damý” kásipkerlikti damytý qory” AQ ekinshi dárejeli bankter arqy­ly (shart boıynsha qarjy salý) orta jáne shaǵyn bıznes sýbek­tilerin nesıeleý, mıkrone­sıeleý, orta jáne shaǵyn bıznes sýbek­­tilerin aqparattyq-konsýltatıv­tik túrde qoldaýǵa daıyn. Nesıe­leý merzimi 7 jylǵa, al nesıe somasy ár qaryz alýshyǵa 750 mln. teńgege deıin. Jambyl oblysynda “Damý” baǵdarlamasynyń negizinde 8,9 mlrd. teńge kóleminde 316 azamat nesıe alyp, sonyń arqasynda 379 jumys orny ashylypty. Sondaı-aq, burynǵy istep turǵan jumys oryndaryn saqtap qalý múmkindigi týǵyzylǵan. Nesıeniń ortasha somasy 26,6 mln. teńge. “Kazyna Capital Management” AQ birlesken qorlar qurý, onyń ishinde tike ınvestısııa qorlary, ınfra­qurylymdyq qorlar, portfeldi ınvestısııalyq qorlar (birneshe aktıvterdi qosyp, portfel jasaý), venchýrlyq qorlar, birlesken qorlar arqyly jobalardy qarjylandyrýǵa kómektese alady. “Eksporttyq nesıe men ınves­tısııalardy saqtandyrý jónindegi memlekettik saqtandyrý kompa­nııa­sy” AQ shıkizattyq emes sala­daǵy taýar, jumys, qyzmet túrlerin saqtandyrý, sheteldegi ınvestı­sııa­lardy saqtandyrý, qaıtadan saqtandyrýmen aınalysady. Oblys ákimi búginde aımaqtaǵy kásipkerlikti damytýǵa erekshe kóńil bólip otyr. Ol forýmda ja­qyn­da ǵana qurylǵan “Taraz In­vest Konsalt” JShS-ni bılik pen kásipkerlerdiń arasyndaǵy kópir dep baǵalady. О́ıtkeni, oblys bas­shysy aımaqty aralaý bary­synda kásipkerlerge keńes berý sha­rýa­synyń aqsap jatqanyn baıqaǵan. Qanat Bozymbaev oblys kásip­kerleriniń bıznes-forýmyn qory­tyndylaı kelip, tıisti taraptarǵa oblys ákimdigi janynan kásipker­ler keńesin qurýdy tapsyrdy. Onyń quramyna aldyńǵy qatarly kásipkerlerdi qosýdy júktedi. Onyń maqsaty – jeke kásip­ker­likti damytý jáne memlekettik saıasatty júzege asyrýǵa kómektesý. Sondaı-aq, aımaqtyq forýmda ózara úılesimdi áreket jasaý maq­satynda Jambyl oblysy ákimdigi men “Atameken” odaǵy” ulttyq ekonomıkalyq palatasy Jambyl fılıalymen memorandým jasady. Kósemáli SÁTTIBAIULY, Jambyl oblysy.