Juma, 8 maýsym 2012 6:50
Qazaq kúresinen ekinshi respýblıkalyq týrnırdiń irikteý jarystary bastaldy
О́tken jyly tuńǵysh ret qazaq kúresinen Qazaqstan Respýblıkasynyń Prezıdenti N.Á.Nazarbaevtyń júldesi úshin jarys ótkizilip, «Qazaqstan barysy» anyqtalǵan bolatyn. Búginde ekinshi týrnırdiń irikteý jarystary bastalyp ketti.
Irikteý qorytyndysy boıynsha 2 balýan óz aımaǵy atynan sheshýshi kezeńde elordada baq synaıdy. 2012 jyldyń 22 qyrkúıeginde Astanada 32 balýan bas qosyp, «Qazaqstan barysy» ataǵyna talasady. Jarys 74 salmaq dárejesinde ótedi.
Juma, 8 maýsym 2012 6:50
Qazaq kúresinen ekinshi respýblıkalyq týrnırdiń irikteý jarystary bastaldy
О́tken jyly tuńǵysh ret qazaq kúresinen Qazaqstan Respýblıkasynyń Prezıdenti N.Á.Nazarbaevtyń júldesi úshin jarys ótkizilip, «Qazaqstan barysy» anyqtalǵan bolatyn. Búginde ekinshi týrnırdiń irikteý jarystary bastalyp ketti.
Irikteý qorytyndysy boıynsha 2 balýan óz aımaǵy atynan sheshýshi kezeńde elordada baq synaıdy. 2012 jyldyń 22 qyrkúıeginde Astanada 32 balýan bas qosyp, «Qazaqstan barysy» ataǵyna talasady. Jarys 74 salmaq dárejesinde ótedi.
Týrnırdiń basty júldesi – «taıtuıaq» jáne «Altyn belbeý». Oǵan qosa, jeńimpaz 150 myń AQSh dollaryn ıelenedi. Ekinshi, úshinshi oryn alǵandar kúmis pen qola medal jáne aqshalaı syıaqy alady.
Ulttyq qazaq kúresi – bul merekelik shara ǵana emes. Onyń negizgi maqsaty – qazaq kúresin damytý jáne jastardy ulttyq salt-dástúrge baýlý. Sonymen qatar, qazaq kúresin Jazǵy Olımpıada men Azııa oıyndaryna qosý jospary bar.
Esterińizge sala keteıik, 2011 jyly 20 tamyzda ótken respýblıkalyq «Qazaqstan barysy» týrnırinde 64 balýan kúsh synasyp, «Altyn belbeýdi» qyzylordalyq Ulan Rysqul ıelengen bolatyn.
Bıylǵy týrnır Mádenıet jáne aqparat mınıstrligi, Sport jáne dene tárbıesi isteri jónindegi agenttigi, «KTK» respýblıkalyq telearnasy, Qyzylorda oblysynyń ákimdigi, «Qazaqstan barysy» qazaq kúresin damytý qoǵamdyq qory, Qazaq kúresi federasııasynyń uıymdastyrýymen ótýde.
Týrnırdiń bas demeýshisi – «Samuryq-Qazyna» UÁQ.
Dastan KENJALIN,
«Egemen Qazaqstan».