Memleket basshysy Nursultan Nazarbaev Almaty oblysynyń Aqsý aýdanyndaǵy “Qyzylaǵash” sý qoımasynda oryn alǵan apatty joıý máselesin talqylaǵan jumys babynda keńes ótkizdi, dep habarlady Qazaqstan Respýblıkasy Prezıdentiniń baspasóz qyzmeti.
Keńeske Premer-Mınıstr K.Másimov, Prezıdent Ákimshiliginiń Basshysy A.Mýsın, Bas prokýror K.Mámı, sondaı-aq Úkimet músheleri qatysty.
Memleket basshysynyń usynysy boıynsha keńeske qatysýshylar apat saldarynan qaıtys bolǵandardy mınýttik únsizdikpen eske aldy.
K.Másimov Prezıdentti apat bolǵan jerde úkimettik komıssııa jumys istep jatqanynan habardar etti. Baspanasyz qalǵan azamattardy aldymen ornalastyrý jónindegi birinshi kezektegi mindetter jedel sheshimin tapty. Zardap shekkenderge alǵashqy medısınalyq kómekter kórsetildi. Adamdar qajetti azyq-túlikpen qamtamasyz etildi. Ishki ásker jáne TJM bólimderiniń kúshimen apattyń saldaryn joıý jumystary júrgizilýde.
Keńes jumysyn qorytyndylaı kele, Prezıdent apattyń saldaryn joıý, zardap shekken otbasylarǵa materıaldyq, qarjylyq, medısınalyq kómekter kórsetý jóninde naqty tapsyrma berdi. Balalardy oqý oryndaryna ornalastyrý, úısiz qalǵandardy turaqty baspanamen qamtamasyz etý máselelerin oılastyrý qajet.
N.Nazarbaev barlyq óńirdiń ákimderine aldaǵy ýaqytta mundaı qaıǵyly jaǵdaıdan aýlaq bolý úshin barlyq sý qoımalary men bógetterdiń jaǵdaıyn tekserýdi tapsyrdy. Quqyq qorǵaý organdaryna tyńǵylyqty tekseris júrgizip, eger apattyń bolýy óz jumysyna jaýapkershiliksiz qaraýdan jáne obektini saqtaý jóninde profılaktıkalyq qajetti jumystardy júrgizbegennen bolǵany anyqtalǵan jaǵdaıda qylmystyq jaýapkershilikke tartýdy tapsyrdy.
Sýretti túsirgender S.BONDARENKO, B.OTARBAEV.