Jalpy quny 40 mıllıon teńgeni quraǵan nysan Jambyl oblysy, Sarysý aýdanynyń jáne Túrkistan oblysynyń, sonymen qatar Túrkistan oblysy, Saıram aýdanynyń Qurmetti azamaty Keńesbek Egizbaevtiń demeýshiligimen salynyp otyr. Keńesbek aqsaqal Sarysý aýdanynda týyp, sonda erjetken azamat. Týǵan jerine kelip tý tikken azamat halyqpen júzdesip, kóptiń rızashylyǵyna bólendi.
Alleıa zamanaýı úlgide salynǵan. Alleıa ishinde oryndyqtar, jazdyq sahna, aýdanǵa eńbegi sińgen ardagerlerdiń aty-jónderi jazylǵan memorıaldy taqta jáne túngi shamdar ornatylyp, 107 metrlik qubyrly qudyq qazylǵan. Sonymen qatar, jasyl jelekterdi sýarýǵa arnalǵan búrkip shashatyn sý júıeleri de ornatylǵan. Sondaı-aq, alleıa ishine jalpy kólemi 1335 sharshy metrlik júrginshiler jolaqtary men ortalyq alańshaǵa jasandy tósemeler tóselgen. Alleıanyń jasyl alańy 3700 sharshy metrdi quraıdy. Al, onyń bes jaǵynan sapasy joǵary beıne-baqylaý qurylǵysy ornatylǵan. «Qurmetti azamattar» alleıasynyń ashylý saltanatyna Almaty, Jambyl jáne Túrkistan oblystarymen qatar, Almaty, Shymkent, Taraz, Qarataý qalalarynan zııaly qaýym ókilderi men mekeme-kásiporyn basshylary qatysyp, jaqsy bastamaǵa ıgi tilekterin jetkizdi. Shara barysynda aýyl turǵyndary qazaqy saltpen Keńesbek Egizbaevtyń ıyǵyna shapan jaýyp, astyna at mingizdi. Sonymen qatar, jınalǵan kópshilik aýdandyq mádenıet úıiniń shyǵarmashylyq toby daıyndaǵan konserttik baǵdarlamany tamashalap, alleıanyń ishin aralap kórdi.
Jambyl oblysy