Eske salsaq, atalǵan sessııaǵa Qaraǵandy oblysynan qatysqan delegasııa quramynda etnomádenı birlestikterdiń basshylary men qoǵam qaıratkerlerinen turatyn 45 múshe bolǵan edi.
Kezdesýde jastar aldynda sóz alǵan oblystyq Qazaqstan halqy Assambleıasynyń ǵylymı-saraptamalyq tobynyń jetekshisi Vılen Molotov-Lýchanskıı atalǵan kezdesýdiń uıymdastyrylýyna joǵary baǵa berip, onyń tárbıelik mániniń zor ekenin atap ótti.
– Jastar jyly – jaı ǵana sóz júzinde ǵana emes, ispen bekemdelgen jáne qamqorlyqqa baı jyl bolýy tıis. Biz jastarǵa damý úshin serpin berip, zııatkerlik jáne materıaldyq jaǵynan qosymsha qoldaý kórsetýimiz tıis. Biz olarǵa sessııanyń rýhyn, maǵynasyn jáne áserin jetkizgimiz keledi. Osy jyly mańyzdy jıyn jastarǵa arnaldy dep aıtýǵa bolady. Elbasy jas urpaq úshin jasalyp jatqan jumystarǵa toqtaldy. Sondaı-aq, Tuńǵysh Prezıdent kúrdeli geosaıası jaǵdaı týraly jáne táýelsiz Qazaqstanda turaqtylyq pen birlikti qalaı saqtaý kerektigin aıtty, – dedi ol.
Abaı aýdanynan kelgen matematıka pániniń muǵalimi Larısa Kravsova QHA sessııasynda sóz sóıleý qurmetine ıe bolǵan edi. Ol jastarmen kezdesýde otbasylyq qundylyqtar týraly áńgimeledi.
– Men úshin bul mańyzdy jáne aıtýly oqıǵa. Qazaqstannyń barlyq áıelderine úndeý jasaý – ózimniń aldyma qoıǵan maqsattarymnyń biri deýge bolady. Bizdiń elimizde otbasyn qurý jáne saqtaý úshin barlyq jaǵdaı jasalǵan. Meniń bes balam bar: tórt qyzym men ulym – men úshin ol úlken qýanysh. 24 jyl mektepte matematıka muǵalimi bolyp qyzmet etip kelemin. Bireýler: «Kásibı qyzmet pen úıińizdegi oshaqty birge alyp júrý múmkin emes?», dep aıtýy múmkin, al men ol múmkin deımin! Bizdiń úıimiz, bizdiń otbasymyz – baǵalaıtyn jáne saqtaıtyn uly ıgiligimiz ekenin túsingen jón. О́ıtkeni otbasy – bul memleketimizdiń negizi, – dep atap ótti delegat.
Emen-jarqyn áńgimege toly áserli jaǵdaıda ótken kezdesýde jastar ózderiniń jobalary men umtylystary týraly aıtyp berdi. Sonymen qatar, olar delegattarmen arada bolǵan áńgimeden alǵan áserlerimen bólisti. Mysaly, Jezqazǵannan kelgen jas ǵalym Arman Kenjebekov osyndaı kezdesýlerdiń jastarǵa berer tárbıelik taǵylymy zor ekenin aıtty.
– Men osyndaı dostyq qarym-qatynastan kóp jaqsylyq kórdim. Búgin ózimdi tolǵandyratyn kóptegen suraqqa jaýap aldym. Bizdiń elimizde jastardy qoldaý úshin aýqymdy jumystar atqarylýda. Biz, jastar óz kezeginde elimizdiń bolashaǵy úshin óz jaýapkershiligimizdi sezinýimiz kerek, – dedi jas ǵalym.