Kezdesý barysynda aldaǵy ýaqytta joǵary deńgeıdegi ekijaqty saparlarǵa qatysty máseleler talqylandy. Atap aıtqanda, qazaqstandyq tarap Iran Islam Respýblıkasy Parlamentiniń spıkeri Álı Ardashır Larıdjanıdiń 2019 jylǵy 23-24 qyrkúıekte Nur-Sultan qalasynda ótetin Eýrazııa elderiniń parlamentteri spıkerleriniń 4-shi otyrysyna qatysýyn kútýde.
Taraptar Kaspıı mańy memleketteriniń basshylary Kaspıı teńiziniń quqyqtyq mártebesi týraly konvensııaǵa qol qoıylǵan Aqtaý sammıtiniń tarıhı mańyzdylyǵyn atap ótti.
Iran tranzıttik-kóliktik marshrýttardy ártaraptandyrý aıasynda Qazaqstan úshin mańyzdy ról atqarady. Qazaqstan - Túrikmenstan - Iran temirjolyn jáne Kaspıı teńizi arqyly teńiz baǵytyn tıimdi paıdalaný qajettiligi atap ótildi. Qazirgi tańda ekijaqty yntymaqtastyqty damytýǵa, sonyń ishinde temirjol, aýyl sharýashylyǵy, týrızm jáne basqa da salalardaǵy yntymaqtastyqty damytý úshin birqatar perspektıvalyq baǵyttar bar.
Sońǵy jyldary Qazaqstan men Iran arasyndaǵy taýar aınalymy kóleminiń qysqarýy baıqalýda. 2018 jyly bul kórsetkish 516 mln AQSh dollaryn qurady. Osy rette SIM basshysy ırandyq bıznesti Qazaqstannyń aýmaǵyndaǵy túrli ınvestısııalyq jobalardy iske asyrýǵa shaqyrdy, sonyń ishinde agroónerkásip jáne taý-ken salalarynda.
Qazaqstan-Iran úkimetaralyq komıssııasynyń 16-shy otyrysynyń ótýi kelesi jyly Nur-Sultanda josparlanyp otyr.
Aıta keteıik, qazirgi tańda Konvensııany Ázerbaıjan, Qazaqstan jáne Túrikmenstan ratıfıkasııalady. Konvensııanyń maqsaty Kaspıı teńizin, sonyń ishinde onyń sýyn, túbin, jer qoınaýyn, tabıǵı resýrstaryn jáne teńizdegi áýe keńistigin paıdalaný týraly taraptardyń quqyqtary men mindetterin anyqtaý jáne retteý bolyp tabylady. Konvensııa ulttyq aımaqtardy, ıýrısdıksııalar men egemendikti delımıtasııalaý, jer qoınaýyn paıdalaný, tranzıt jáne tasymaldaý, sý asty qubyrlary men kabelderin tóseý, Kaspıı teńiziniń qorshaǵan ortany qorǵaý jáne bıologııalyq resýrstaryn ıgerý máselelerin retteıdi.