Úndistandaǵy sıklonnan zardap shekken Qazaqstan azamattary joq. Bul týraly Syrtqy ister mınıstrliginiń resmı ókili Aıbek Smadııarov málimdedi.
«Qazir daýyl Úndistan jaǵalaýynan yǵysty. Sońǵy derekter boıynsha zardap shekkender arasynda Qazaqstan Respýblıkasynyń azamaty joq. Joıqyn apattan 15 adam zardap shekken. Bizdiń eldiń azamattary Úndistandaǵy elshilikke júginbegen», delingen vedomstvo málimetinde.
Eske sala keteıik, Úndistannyń jaǵalaýdaǵy eldi mekenderinen «Fanı» sıklony tónýine baılanysty júzdegen myń adam evakýasııalanǵan bolatyn. Sońǵy derekter boıynsha, qaýipsiz jerge kóshirilgender sany bir mıllıonnan asqan.