Fedorov aýdandyq polısııa bóliminiń jol patrýlinde júrgen polıseıleri Ivan Galmýev pen Ermek О́temisov aýdan ortalyǵynda eki «KAMAZ» avtomashınasyn toqtatty. Polıseıler eki mashınanyń da tirkemesine astyq tıelgendigin baıqady. Al júrgizýshiler kúdikti kórindi.
Tájirıbeli polıseıler bul tegin mashına emes ekenin birden bildi. Qujattaryn teksere kelgende júrgizýshilerde astyqty qaıdan, kimnen alǵany týraly anyqtama qujattar joq bolyp shyqty. Sońynan olardyń artyp bara jatqan astyǵynyń urlanǵany belgili boldy.
Aýdandaǵy bir kásiporynnan urlanǵan astyqtyń kólemi 60 tonna 860 kg, quny 4 mıllıon teńgeden asady. Bul oqıǵa tirkelip, qazir QR QK 188-baby boıynsha sotqa deıingi tergeý amaldary júrgizilip jatyr.
Qostanaı