Balalarǵa beıimdelgen shyǵarmashylyq jobalar erekshe kórermenderin qýantty

Osylaısha, elimizdiń eki mega­polı­sinde erekshe kórermender úshin eki jańa shyǵarmashylyq joba sátimen atqaryldy. Al­maty­­­­­­daǵy «Cinemax» kıno­teatrynda «off-line kanıkýldary» qazaq­­­­standyq otbasylyq kome­dııasynyń osy sanattaǵy bala­qaılarǵa beıimdelgen kórsetilimi ótse, elordada «Janýar­lar kar­navaly» mýzy­kalyq-poetıkalyq kon­serti qoıyldy.

Aýtızmge shaldyqqan bala­lar­ǵa ar­nalǵan mundaı sharalarda barlyǵy qaras­tyrylady: ashyq esikter, jaryq shamdar, dybystyń báseń bolýy, bylaısha aıtqanda, sensorlyq aımaqtyń balalarǵa jaqyn ornatylýy, sondaı-aq kınozal men teatr qyzmetkerlerine balalarmen tıisti qarym-qatynas jasaýy eskertiledi. Qor dırektory Dınara Chaıjýnýsova mundaı bastamalardyń úlken qoǵamı-áleýmettik mańyzǵa ıe ekenin atap ótti. Balalardyń bári qandaı jaǵdaıda da áleýmettik ortada teń bolýy kerek. 

Nur-­Sul­tan qalasyndaǵy «Janýar­lar karnavaly» beıim­delgen qoıylymyn «Bolashaq» korporatıvtik qory men «Astana-Opera» opera jáne balet teatry birlesip uıymdastyrdy. 

«Mundaı beıimdelgen konsert bala­larymyzǵa shattyq pen qýanysh syılady. Biz úshin erekshe kútimdi qajet ete­tin balalardyń bilim salasynda ǵa­na emes, mádenı turǵyda óz­derin er­kin ustap, basqa baldyrǵandarmen teń bol­ǵany ma­ńyzdy. «Astana-Opera­men» bir­lesken bastamamyz erekshe qajet­tilikteri bar balalarǵa taǵy bir úlken mereke syılady», dedi «Bola­shaq» kor­poratıvtik qorynyń dırektory.

Balalarǵa arnalǵan konsert janýarlarsyz ótkizilse de, kishkentaı kórermender sımfonııalyq orkestrdiń kómegi­men túrli haıýanattardyń dy­bys­tary men daýystaryn es­tip, tanı aldy. «Janýarlar kar­navaly» fransýz kompozıtory Sharl-Kamıl Sen-Sans­tyń tanymal týyndysy ekenin eske sala keteıik. Bul sıýıta alǵash 1886 jyl­­dyń 9 naýryzynda oryndalǵan. Atal­­­ǵan jumysty mýzykalyq ázil dep esep­tegendikten, Sen-Sans «shalaǵaı» mýzy­kanyń avtory bolǵysy kelmeıtinin aıtyp, tiri kezinde sıýıtany jarııalaýǵa tyıym salady. Osylaısha, kompozıtor 1921 jyly baqılyq bolǵanyna deıin «Janýarlar karnavaly» tek jeke úıler men salondarda qoıylatyn bolǵan.

Biraq «Janýarlar karnavaly» ázilge toly, onyń keıbir bólikterinde tany­mal mýzykalyq elik­teýler, ıakı dáıek­sózderin estý­ge bolady.

Joba Nur Otan partııa­­sy­nyń «Ke­der­gisiz keleshek» jo­basynyń «In­klıý­zıvtik bilim berýdi damy­­­týǵa jár­dem­­­­­­­desý» baǵyty aıasynda iske asy­ry­lýda. Sondaı-aq bıyl Aqmola, Aq­tóbe, Shyǵys Qazaqstan, Jambyl, Qara­ǵandy, Pavlodar, Soltústik Qazaqstan, Túrkistan oblys­tarynda aýtızmge ushy­ra­ǵan balalarǵa arnalǵan 20 qoldaý kabınet­i ashylady.

ALMATY