– Bir-birimen qatar keletin qasterli merekeler qarsańynda sizderdiń qaısarlyqtaryńyz ben erlikterińizge qurmet kórsete otyryp, alǵys aıtamyz! Keler urpaqqa beıbit ómir syılaǵan Uly Otan soǵysynyń jáne tyl ardagerleriniń erligin baǵalaý – bizdiń paryzymyz. Biz – ardagerlerimizdi ardaqtap, qarttarymyzdy qadirleıtin halyqpyz. Ardagerlerge degen qurmetimiz olardyń erlikterinen kem túspeýi tıis, - dedi qala ákimi.
Kópshilik keler urpaqqa beıbit ómirdi tartý etken, eren erligi árqashan úlgi qaharman sarbazdardy eske saldy. Merekelik jıyn barysynda Shymkent qalalyq basqarma basshylary men máslıhat depýtattary 54 maıdangerge teledıdar syılasa, «Shymkent» ÁKK qyzmetkerleri bir kúndik eńbekaqylaryn aýdarmaq.
Merekelik keshte sóz alǵan qalalyq ardagerler keńesiniń tóraǵasy Isamýddın Yrysbaı qaladaǵy 54 UOS ardagerine 252 myń teńgeden, al 4276 tyl ardagerge 12 myń teńge kóleminde syıaqy beriletinin málimdedi. Saltanatty jıynda surapyl qantógiste erlik kórsetken azamattar maıdandaǵy estelikterimen bólisti.