Bul kúni Lomov kóshesi, 154/3 mekenjaıynda «Turǵyn úı qurylys jınaq banki» AQ-nyń 72 salymshysy páter aldy.
Tuǵyndardy qýanyshtarymen oblys ákimi Bolat Baqaýov quttyqtady.
-Osydan úsh jyl buryn 165 myń sharshy metr, byltyr 273 myń sharshy metr turǵyn úıler berildi. О́tken jyly 2 myńnan astam pavlodarlyq jańa páterlerge qonystandy,-dedi ákim óz sózinde.
Páter kiltin alǵandardyń biri- kóp balaly ana Janargúl Ábenova «Turǵyn úı qurylys jınaq bankine» 5 jyl boıy qarjy salǵan.
Al, qalǵan qarjysyn bankten tıimdi sharttar boıynsha 6 jylǵa alǵan.
-Qatty rızamyz. Balalarym da qýanýda, - deıdi Janargúl.
Jalpy, «Nurly jer» baǵdarlamasy boıynsha boı kótergen turǵyn úıde 18 bir, 36 eki jáne 18 úsh bólmeli páter bar.
Birinshi jáne sońǵy qabattaǵy páterlerdiń bir sharshy metri 140 myń teńgege, al ózge qabattardaǵy baspanalardyń bir sharshy metri 146 500 teńgege baǵalandy.
Qazir buryn Bos jatqan aýmaq « Saryarqa» shaǵyn aýdany dep atalyp, turǵyn úı keshender qurylysy bastalǵan-dy.
Qazir osy aýmaqqa salynatyn 45 kópqabatty turǵyn úıdiń 21-i paıdalanýǵa berildi.
2020 jylǵa deıin turǵyn úı keshen qurylysy aıaqtalyp, Dostyq shaǵyn aýdanynda turǵyn úıler salyna bastaıdy.