Oblystyq densaýlyq saqtaý basqarmasynyń Balqash aımaqtyq ókildigi bóliminiń baspasóz qyzmeti habarlaǵandaı, júkti áıel ýchaskelik dárigerdiń uıǵarymy boıynsha kesar otasyn jasatý úshin jolǵa shyqqan eken. Alaıda, tolǵaq aıaq astynan kelip, 24 jastaǵy kelinshek ózimen birge ere shyqqan eki dárigerdiń kómeginiń arqasynda sábıin dúnıege aman-esen ákeldi.
Qazirgi ýaqytta jas bosanǵan ana men balpanaqtaı ul Balqash qalasyndaǵy ortalyq aýrýhanada medısınalyq tekseristen ótip jatyr. Dárigerlerdiń aıtýynsha, olardyń densaýlyǵyna tónip turǵan eshqandaı qaýip-qater joq.
Osy oqıǵadan soń dárigerler bosanady-aý degen merzimge shamamen 2-3 apta qalǵanda shalǵaıdaǵy eldi mekennen qalaǵa jetip alý kerektigin jergilikti BAQ arqyly júkti analardyń esine taǵy bir márte saldy.