Boz kilemde qarsylastaryn shań qaptyryp, á degennen jarystyń shırek fınalyna shyqqan Ernar Qabdoldaev, Jánibek Dúısembaev, Muhıt Qoıshyman, Nursultan Amanjolovtar sııaqty balýandar aqtyq synda «Jetisý bórisi» ataný úshin aıanbaı beldesti. Beldesýdiń ón boıynda qarsylas shydatpaǵan eki balýan Ernar Qabdoldaev pen Jánibek Dúısembaev máre basynda jolyqty. «Kúsh atasyn tanymas» degendeı, bul beldesýde Ernardyń bási artyq túsip, jeńiske jetti.
«Jetisý bórisi» atanǵan Ernar Qabdoldaev týrnırdiń bas júldesi – avtokólikti utyp, endi «Qazaqstan barysy» jarysynda aımaqtyń namysyn qorǵamaq. Ekinshi oryn alǵan Jánibek Dúısembaev ta «Qazaqstan barysynda» óner kórsetetin bolady ári bul týrnırde ol 1 mln teńge kóleminde júldeni qanjyǵasyna baılady. Al «Jetisýdyń úshinshi bórisi» ataǵy jas balýan Nursultan Amanjolovqa buıyrdy.